Upraŭleńniem Śledčaha kamiteta pa Minskaj vobłaści raspačata kryminalnaja sprava ŭ dačynieńni da ŭdzielnikaŭ złačynnaj hrupy, jakaja zajmałasia kradziažom hrašovych srodkaŭ u AAT «Biełaruśkalij», paviedamlaje pres-słužba SK.
Padstavaj dla raspačynańnia kryminalnaj spravy pasłužyli materyjały pravierki, praviedzienaj supracoŭnikami ABEZ Salihorskaha RAUS.
Padčas papiaredniaha rasśledavańnia ŭstanoŭlena, što dvoje słužbovych asobaŭ adnaho z rudaŭpraŭleńniaŭ AAT «Biełaruśkalij», karystajučysia słužbovymi paŭnamoctvami, ŭstupili ŭ złačynnuju zmovu z dyrektaram padradnaj arhanizacyi, jaki vyjhraŭ tendary na ažyćciaŭleńnie elektramantažnych rabot na roznych abjektach rudaŭpraŭleńnia.
Majučy namier na kradziež hrašovych srodkaŭ, jakija naležać AAT «Biełaruśkalij», fihuranty naŭmysna padpisvali ŭlikovyja dakumienty, akty ab pryjomcy vykananych rabot, jakija faktyčna vykanany nie byli. U vyniku supraćpraŭnych dziejańniaŭ z 2012 pa 2014 hady na raźlikovy rachunak padradčyka byli nieabhruntavanyja pieraličanyja hrašovyja srodki ŭ pamiery bolš za dva miljardy rubloŭ. Nazvanyja vykradzienyja hrošy raźmiarkoŭvalisia pamiž udzielnikami złačynnaj hrupy, havorycca ŭ paviedamleńni SK.
Pryniatyja śledstvam miery dali mahčymaść zabiaśpiečyć kampiensacyju naniesienaj pradpryjemstvu škody ŭ poŭnym abjomie.
Akramia taho, nakładzieny aryšt na majomaść fihurantaŭ na sumu zvyš miljarda rubloŭ.
Słužbovaj asobie i dyrektaru padradnaj arhanizacyi pradjaŭlena abvinavačvańnie, u dačynieńni da ich prymieniena miera strymańnia ŭ vyhladzie zaklučeńnia pad vartu.
Treci ŭdzielnik znachodzicca ŭ statusie padazravanaha. Supraćpraŭnyja dziejańni kvalifikavanyja śledstvam jak kradziež šlacham złoŭžyvańnia słužbovymi paŭnamoctvami, ździejśnieny hrupaj asob u asabliva bujnym pamiery.
Ciapier čytajuć
U Tajłandzie źnikła anlifanščyca ź Pinska. Jaje mahli pradać u Mjanmu4
Kamientary