Žonka pres-sakratara prezidenta RF Taćciana Naŭka vystaviła na prodaž apartamienty na Manchetenie paśla taho, jak ŚMI paviedamili, što jaje imia fihuruje ŭ dakumientach panamskich firmaŭ, publikacyja jakich spravakavała «afšorny skandał», piša Delfi sa spasyłkaj na Daily Mail.
Jak paviedamlajecca, kvatera alimpijskaj čempijonki pa fihurnym katańni pradajecca za $2 młn, pry hetym adznačajecca, što apartamienty byli, chutčej za ŭsio, nabytyja za $2,4 młn.
Vydańnie piša, što, pavodle dadzienych sajta StreetEasy, cana na kvateru z momantu jaje vystaŭleńnia na prodaž źnižałasia čatyry razy.
U pačatku krasavika Dźmitryj Piaskoŭ, pres-sakratar prezidenta Rasii, zajaviŭ, što nie źbirajecca źviartacca ŭ sud z-za publikacyj u ŚMI ab jaho žoncy Taćcianie Naŭcy, imia jakoj zhadvajecca ŭ «afšornym skandale». Jon adznačyŭ, što «tam asprečvać niama čaho, tamu što jana ž ni ŭ čym nie abvinavačvajecca i ja ni ŭ čym nie abvinavačvajusia».
Raniej paviedamlałasia, što ŭ liku 12 rasijskich słužbovych asob, jakija, pavodle dadzienych mižnarodnaha kansorcyuma žurnalisckich rasśledavańniaŭ, źviazanyja z afšorami i zamiežnymi rachunkami, aformlenymi na ich abo na ich svajakoŭ, akazalisia ministr ekanamičnaha raźvićcia Rasii Alaksiej Ulukajeŭ, pres-sakratar prezidenta Rasii Dźmitryj Piaskoŭ i eks-namieśnik kiraŭnika spraŭ prezidenta Ivan Malušyn.
Adznačajecca, što žurnalisty nie vyjavili afšoraŭ, jakija naŭprost naležać Piaskovu i Ulukajevu, adnak znajšli afšornyja kampanii na Dźmitryja Ulukajeva, syna ministra, i na žonku Piaskova Taćcianu Naŭku, jakaja zarehistravała kampaniju da svajho viasiella.
Kamientary