Brescki mižrajonny adździeł Śledčaha kamiteta rasśleduje spravu pa č. 3 art. 205 Kryminalnaha kodeksa (kradziež, učynieny ŭ bujnym pamiery) u dačynieńni da 18-hadovaj navučenki adnaho z prafiesijnych licejaŭ horada.
Jak paviedamiła aficyjny pradstaŭnik abłasnoha ŭpraŭleńnia SK Maryna Drańkova, dziaŭčyna padazrajecca ŭ tym, što 22 krasavika ŭ Breście, znachodziačysia ŭ zdymnaj kvatery 45-hadovaha mužčyny, vykrała z kišeni jaho adzieńnia 8 tysiač jeŭra.
Paciarpieły razam z pryjacielem paznajomiŭsia ź dziaŭčynaj i jaje siabroŭkaj napiaredadni ŭnačy ŭ adnym z baraŭ Bresta. Zatym usie pajšli da jaho dadomu. Tam kampanija praciahnuła raśpivać śpirtnyja napoi. Dniom 45-hadovy mužčyna zasnuŭ. Pračnuŭšysia ŭviečary, jon vyjaviŭ prapažu hrašovych srodkaŭ. Dziaŭčat da hetaha času ŭ kvatery ŭžo nie było.
Mužčyna paviedamiŭ pra zdareńnie ŭ milicyju.
Paciarpieły — zamiežny hramadzianin. Jon rastłumačyŭ, što ŭ Breście zajmajecca adkryćciom kaviarni.
Supracoŭniki Maskoŭskaha RAUS Bresta zatrymali dziaŭčat. Pry ich była častka vykradzienaj sumy. Astatnija hrašovyja srodki byli znojdzienyja ŭ chodzie vobšuku pa miescy žycharstva siabroŭki 18-hadovaj liceistki, jakaja pakinuła ŭ jaje valutu.
25 krasavika ŭ dačynieńni da padazravanaj prymieniena miera strymańnia ŭ vyhladzie zaklučeńnia pad vartu. Dziaŭčyna raskajałasia ŭ zroblenym i zajaviła, što hrošy vykradała adna.
Kali joj na mabilny telefon pazvaniŭ z pretenzijami paciarpieły, pahražajučy paviedamić ab kradziažy ŭ pravaachoŭnyja orhany, jana ź siabroŭkaj pryjšła da jaho dadomu, kab urehulavać kanflikt. Tam ich užo čakali supracoŭniki milicyi.
Padazravanaja sudzimaściaŭ nie maje, raniej pryciahvałasia da administracyjnaj adkaznaści za raśpivańnie śpirtnych napojaŭ u hramadskim miescy.
Śledstva vyrašaje pytańnie ab kvalifikacyi dziejańniaŭ fihurantki kryminalnaj spravy i dalejšaj miery strymańnia.
Ciapier čytajuć
U Tajłandzie źnikła anlifanščyca ź Pinska. Jaje mahli pradać u Mjanmu4
Kamientary