Tradycyjnyja narodnyja i sučasnyja lalečnyja pastanoŭki prademanstrujuć udzielniki fiestyvalu «Čaroŭny śviet batlejki», jaki projdzie 15 maja ŭ siadzibie Zaleśsie Smarhonskaha rajona na radzimie znakamitaha kampazitara Michała Ahinskaha. Pra hetapaviedamili ŭ adździele ideałahičnaj raboty, kultury i pa spravach moładzi Smarhonskaha rajvykankama.
Čakajecca, što ŭ fiestyvali prymuć udzieł kala dziasiatka kalektyvaŭ z usich rehijonaŭ Biełarusi. Hledačy ŭbačać nie tolki tradycyjnyja dla biełaruskaj batlejki pastanoŭki, takija jak «Sałdat i čort», ale i sučasnyja interpretacyi. Adzin z kalektyvaŭ pradstavić batlejku ŭ vyhladzie siadziby Zaleśsie, minski teatr pryviazie pastanoŭku pavodle matyvaŭ «Maleńkaha prynca» Antuana de Sient-Ekziupiery.
Na fiestyvali vybieruć lepšyja kalektyvy siarod prafiesijanałaŭ i amataraŭ. Uvachod dla haściej budzie volnym, pry hetym arhanizatary papiaredžvajuć, što kolkaść miescaŭ nievialikaja, pakolki pieršapačatkova batlejka raźličanaja na nievialikuju aŭdytoryju — siamju abo hrupu ludziej na kirmašy.
«Upieršyniu my praviali taki fiestyval u minułym hodzie. Spadziajomsia, jon stanie tradycyjnym, jak kaliści batlejka stała našaj nacyjanalnaj tradycyjaj», — adznačyli ŭ adździele ideałahičnaj raboty, kultury i pa spravach moładzi rajvykankama. Pavodle słoŭ śpiecyjalistaŭ, miascovyja kalektyvy nie tolki adradzili tradycyju siamiejnych i kirmašovych teatraŭ, ale i dali im druhoje žyćcio, raźvivajuć hety napramak u sučasnym rečyščy. Ich pastanoŭki ŭklučany ŭ turystyčnyja maršruty na terytoryi rajona.
-
U Homielskim dramatyčnym teatry — kadravyja čystki. Znoŭ praz «palityku»
-
«Budzie śmiešna i baluča»: «Kupałaŭcy» prezientujuć zaŭtra novy śpiektakl. U hałoŭnych rolach — Manajeŭ, Biełachvościk, Harcujeva
-
«Rašeńnie pryjšło zvonku». Što adbyvajecca ŭ viciebskim teatry, dzie ŭ śpiektakli prahučała «Žyvie Fłandryja!» i pačałasia čarada zvalnieńniaŭ?
Ciapier čytajuć
«Ja taja samaja ŭ futry». Maładaja švačka pracavała ŭ futry, pakul dziaržTB raskazvała, što na fabrycy ŭ Žłobinie nie choładna10
Kamientary