Na minskaj vulicy Karła Libkniechta padčas prac pa pašyreńni darohi raskapali mohiłki. Miascovyja žychary i žurnalisty paśpieli sfatahrafavać čarapy, kostki i kryžy.
13 maja apoŭdni kostak užo nie było: prybrali. Zaŭvažnaja tolki mahilnaja plita. Pracy viaducca aktyŭna, pracuje niekalki adzinak techniki. Jak paviedamili rabočyja na budoŭli, kostki i plity sapraŭdy traplalisia. Ale prajekt uzhodnieny haradskimi ŭładami, tamu pracy praciahvajucca.
«Pieršy raz pra heta čuju ad vas, — adrazu kažuć u arhanizacyi «Hardarbud», jakaja zamaŭlała pracy. — Ale kali sapraŭdy takoje jość, to kostki musiać pieradać śpiecyjalistam».
Pa śviedčańniach vidavočcaŭ, kostki i kryžy z budoŭli źvieźli na śmietnik.
Na miescy skviera, dzie viaducca pracy, u XIX stahodździ byli luteranskija mohiłki. Pra ich było viadoma da pačatku budaŭnictva, bo jany jość na histaryčnych i prajektnych mapach. Jak taki prajekt budaŭnictva mahli ŭzhadnić, u Minharvykankamie pakul nie adkazali. Ciapier vulicu Libkniechta chočuć pašyryć, kab razhruzić praśpiekt Dziaržynskaha.
Pa praviłach utrymańnia miescaŭ zachoŭvańnia, jakija vydadzienyja Ministerstvam žyllovaj haspadarki, na starych mohiłkach dazvolenaje tolki dobraŭparadkavańnie i zialonyja nasadžeńni.
Pa fakcie znachodžańnia čałaviečych pareštkaŭ Śledčy kamitet pačaŭ daśledčuju pravierku. Jak paviedamiła aficyjnaja pradstaŭnica Śledčaha kamiteta Julija Hančarova, śledčyja naviedvali miesca, dzie iduć budaŭničyja pracy. Znojdzienyja astanki jany zabrali, pryznačany miedyka-kryminalistyčnyja ekśpiertyzy, jakija budzie pravodzić Dziaržaŭny kamitet sudovych ekśpiertyz.
Pamierła palitźniavolenaja Alena Pankova. Paŭhoda nazad jaje asudzili za ŭdzieł u pratestach7
Kamientary