Sacyjalahičnaja słužba Gallup apublikavała vyniki svajho biełaruskaha apytańnia. Bolšaść apytanych uchvalaje rasiejskaje kiraŭnictva, ale adnosnaja bolšaść taksama choča dobrych adnosinaŭ z Eŭropaj.
Niadaŭnija dyplamatyčnyja j ekanamičnyja kroki ŭradaŭ Złučanych Štataŭ, Eŭrasajuzu j Rasiei ŭ dačynieńni da Biełarusi napružyli adnosiny pamiž kožnaj z hetych dziaržavaŭ i byłoj savieckaj respublikaj. Dadzienyja apytańnia, praviedzienaha instytucyjaj Gallup u 2007 hodzie, pakazvajuć, što blizkija adnosiny z Rasiejaj dla biełarusaŭ važniejšyja za blizkija stasunki z ZŠA j Eŭrasajuzam.
44 % biełarusaŭ kažuć, što bolš važna mieć ciesnyja stasunki z Rasiejaj, navat kali b heta mahło paškodzić stasunkam ichnaj krainy z ZŠA. Tolki 6 % biełarusaŭ kažuć, što ciaśniejšyja stasunki z ZŠA važiejšyja, i 36 % udzielnikaŭ apytańnia — što adnolkava važna mieć blizkija stasunki z abiedźviuma krainami.
Biełarusy daražać ščylnymi suviaziami z Rasiejaj, ale adnosiny pamiž hetymi dźviuma krainami zrabilisia napružanymi paśla taho, jak Rasieja padniała taryfy na naftu, jakaja pastupaje ŭ Biełaruś. Niahledziačy na heta, jak pakazvaje apytańnie Gallup ad červienia 2007 hodu, bolšaść biełarusaŭ (51 %) pazytyŭna stavicca da rasiejskaha kiraŭnictva, tolki kožny piaty (20 %) stavicca nehatyŭna, i 2 9% nia majuć mierkavańnia na hety kont.
Niadaŭnija padziei taksama pryviali da kryzisu ŭ dyplamatyčnych adnosinach pamiž Biełaruśsiu i ZŠA. ZŠA j Eŭrasajuz nakłali vizavyja abmiežavańni, a ZŠA niadaŭna ŭviali finansavyja sankyi suprać biełaruskaj naftapierapracoŭki, kantralavanaj kiraŭnictvam krainy. Biełaruski MZS adkazała vysyłkaj amerykanskaha pasła i adklikańniem svajho pasła.
Užo ŭ lipieni 2007 hodu, kali Gallup pravodziŭ apytańnie ŭ krainie, acenka biełarusami amerykanskaha kiraŭnictva ŭžo była vielmi nizkaj. Tolki 11 % apytanych biełarusaŭ uchvalajuć amerykanskaje kiraŭnictva, u toj čas jak 53 % nie ŭchvalajuć, a 36% nia majuć mierkavańnia.
Zatoje pra kiraŭnictva Eŭrasajuzu biełarusy lepšaje dumki. Prykładna adzin z čatyroch biełarusaŭ (27 %) kaža, što ŭchvalaje pracu kiraŭnictva ES, u toj čas jak 15 % kažuć, što nie ŭchvalajuć kiraŭnictva ES i 58% nia majuć mierkavańnia ŭ hetym pytańni.
Kali Gallup apytvaŭ biełarusaŭ, ci važna mieć bolš ščylnyja suviazi z Eŭrasajuzam, navat kali b heta mahło paškodzić adnosinam krainy z Rasiejaj, tolki 6 % respandentaŭ adkazała, što padzialaje hetaje mierkavańnie. Adna tracina respandentaŭ (33 %) kaža, što važniej mieć ščylnyja adnosiny z Rasiejaj, i 37 % kažuć, što adnolkava važna mieć ščylnyja stasunki z abiedźviuma siłami.
Dadzienyja apytańnia Gallup pakazvajuć, što ŭ budučyni ščylniejšyja suviazi z Rasiejaj, vierahodna, buduć mieć dla Biełarusi pryjarytet nad palapšeńniem stasunkaŭ z ZŠA ci ES.
Vyniki apytańnia zasnavanyja na asabistych interviju z 1114 darosłymi va ŭzroście ad 15 hadoŭ, praviedzienych u lipieni‑vieraśni 2007 hodu ŭ Biełarusi. Maksymalny barjer statystyčnaj pamyłki składaje ±3%.
***
Uchvalajecie vy, ci nie, pracu kiraŭnictva nastupnych krainaŭ?
Uchvalaju, nie ŭchvalaju, nia viedaju/admovilisia
***
Niekatoryja dumajuć, što dla Biełarusi bolš važna mieć ščylnyja adnosiny z ZŠA, navat kali heta moža paškodzić stasunkam z Rasiejaj, u toj čas, jak inšyja dumajuć, što bolš važna mieć ščylnyja adnosiny z Rasiejaj, navat kali heta moža paškodzić stasunkam z ZŠA. A jak vy ličycie asabista?
Nia viedaju / Admovilisia ad adkazu 14%
Dla Biełarusi adnolkava važna mieć ščylnyja stasunki j z Rasiejaj, i z ZŠA 36%
Dla Biełarusi bolš važna mieć ščylnyja stasunki z Rasiejaj, navat kali heta moža paškodzić stasunkam z ZŠA 44%
Dla Biełarusi bolš važna mieć ščylnyja stasunki z ZŠA, navat kali heta moža paškodzić stasunkam z Rasiejaj 6%
***
Niekatoryja dumajuć, što dla Biełarusi bolš važna mieć ščylnyja adnosiny z Eŭrasajuzam, navat kali heta moža paškodzić stasunkam z Rasiejaj; inšyja ludzi dumajuć, što dla Biełarusi bolš važna mieć ščylnyja adnosiny z Rasiejaj, navat kali heta moža paškodzić stasunkam z Eŭrasajuzam. Što z hetaha najbolš adpaviadaje vašym pohladam?
Nia viedaju / Admovilisia 24%
Dla Biełarusi važna mieć ščylnyja adnosiny i z Rasiejaj, i z Eŭrasajuzam 37%
Dla Biełarusi bolš važna mieć ščylnyja adnosiny z Rasiejaj, navat kali heta moža paškodzić adnosinaam z Eŭrasajuzam 33%
Dla Biełarusi bolš važna mieć ščylnyja stasunki z Eŭrasajuzam, navat kali heta moža paškodzić stasunkam z Rasiejaj 6%
-
Bialacki ŭ tekście dla New York Times: Śviet nie pavinien śpisvać Biełaruś jak krainu, jakaja kančatkova adyšła ŭ śfieru ŭpłyvu Rasii
-
Hurnievič adkazaŭ Čachoviču: Ja nie pačuŭ ad Sieviarynca zaklikaŭ nienavidzieć
-
Čachovič adkazaŭ Sieviaryncu: Hamafobija — pradukt łahiernaha myśleńnia homo sovieticus, a nie chryścijanskaja kaštoŭnaść
Kamientary