U biełaruskich orhanach ułady idzie surjoznaja dyskusija ab efiektyŭnaści dziejnaści ŭrada, u tym liku miascovych orhanaŭ ułady.
Pra heta zajaviŭ pieršy namieśnik premjer-ministra Biełarusi Vasil Maciušeŭski 27 maja, adkazvajučy na pytańni parłamientaryjaŭ padčas sumiesnaha pasiadžeńnia Pałaty pradstaŭnikoŭ i Savieta Respubliki.
«Sapraŭdy, śviet vielmi chutka mianiajecca, i my pavinny na hetyja vykliki chutka adkazvać. Pavinien mianiacca funkcyjanał urada, adpaviedna, pavinna źmianiacca i struktura ŭrada», — zajaviŭ Maciušeŭski.
Pavodle jaho słoŭ, rychtujucca kompleksnyja prapanovy z hetaj nahody, da 1 červienia jany buduć uniesienyja Alaksandru Łukašenku na razhlad.
«Ja dumaju, padčas Usiebiełaruskaha schodu kiraŭnik dziaržavy aznajomić hramadstva z padychodami, źviazanymi z hłybokaj madernizacyjaj funkcyj urada, pavyšeńniem jaho efiektyŭnaści, palapšeńniem jakaści dziaržpasłuh», — dadaŭ pieršy vice-premjer.
U svaim karotkim dakładzie, pryśviečanym ekanamičnaj palitycy ŭrada, Vasil Maciušeŭski adznačyŭ, što praca Savieta ministraŭ najbližejšym čas budzie hruntavacca na pryniataj u krasaviku prahramie dziejnaści da 2020 hoda.
Pry hetym jon padkreśliŭ, što «prostych rašeńniaŭ dla mamientalnaha rostu ekanomiki na siońnia niama». Niaŭstojlivaść na suśvietnych rynkach nafty i naftapraduktaŭ, a taksama na kalijnym rynku pryvodziać da niedaatrymańnia dachodaŭ biudžetu, skazaŭ Maciušeŭski. «U pieršym kvartale pastupleńni ad vyvaznych mytnych pošlin na naftapradukty skłali tolki 143 młn. dołaraŭ pry hadavym płanie 1,1 młrd.», — paviedamiŭ jon.
Pavodle słoŭ pieršaha vice-premjera, na pieršy płan siońnia vychodziać pytańni efiektyŭnaści vykarystańnia najaŭnych resursaŭ.
Kamientary