U prodažy źjavilisia płanšety, jakija padaravali ŭdzielnikam Usiebiełaruskaha schodu
Na bujnych biełaruskich sajtach pryvatnych abviestak źjavilisia pieršyja paviedamleńni ab prodažy płanšetaŭ Samsung Galaxy Tab. Tych samych, jakija byli siarod padarunkaŭ udzielnikam V Usiebiełaruskaha źjezdu.
Pradaviec Arciom z Mahiloŭskaj vobłaści choča zbyć taki płanšet za 3 miljony rubloŭ. Heta dastatkova vyhadnaja prapanova, bo takija pryłady kaštujuć prykładna 3,7—4,5 miljona. «Absalutna novy, u padarunak atrymaŭ, jašče nie karystaŭsia navat», — skazaŭ jon nam.
Kali my spytalisia, ci jość na płanšet harantyja, to Arciom adkazaŭ, što niama.
Na pramoje pytańnie, ci nie atrymaŭ uładalnik płanšet na «schodzie», Arciom adkazaŭ: «Nie zusim tam». Nijakich pytańniaŭ, što za schod, dzie razdavali płanšety, u pradaŭca nie ŭźnikła.
Hałoŭny redaktar «Sovietskoj Biełoruśsii» Pavieł Jakubovič zajaviŭ, što płanšety, jakija atrymali ŭ padarunak udzielniki Usiebiełaruskaha schodu — sponsarskaja dapamoha, a nie kuplenyja za hrošy dziaržavy.
Kamientary