Barysaŭski BATE pa sumie dvuch matčaŭ pieramoh finski SIK u ramkach druhoha kvalifikacyjnaha raŭnda Lihi čempijonaŭ.
Hulnia tydniovaj daŭniny na «Barysaŭ-Arenie» pryniesła dastatkova kamfortnuju pieramohu našaj kamandzie – 2:0. Tamu ŭ Finlandyju možna było jechać dastatkova spakojna.
Hulnia ŭ horadzie z pryhožaj nazvaj Siejniajioki pačałasia dla biełaruskaha kłuba ź sieryi «lepš i nie prydumaješ». Užo na 29-aj chvilinie barysaŭcy vyjhravali ź likam 2:0. Spačatku Alaksiej Ryas znajšoŭ Alaksandra Karnickaha, a paśla sam Karnicki adpłaciŭ toj ža manietaj Ryasu.
Pa sumie dvuch hulniaŭ lik staŭ prosta nieprystojnym 4:0. Paśla hetaha BATE, skažam ščyra, daŭ słabinu. Ciažka zachoŭvać kancentracyju, kali ty pieramahaješ nastolki ŭpeŭniena.
Spačatku na 44-aj chvilinie adznačyŭsia Nhujekam. A na 61-aj Ryski zrabiŭ lik roŭnym – 2:2. Pry druhim hole nie vielmi ŭpeŭniena zhulaŭ naš bramnik Siarhiej Vieramko.
BATE prachodzić u nastupny raŭnd, ale škada stračanych dla rejtynha krainy bałaŭ. U nastupnym raŭndzie BATE zhulaje ź pieramožcam pary «Chabnarfjordziur» (Isłandyja) – «Dandałk» (Irłandyja). Pieršy matč kamand skončyŭsia ź likam 1:1. Zaŭtra budzie hulnia ŭ adkaz.
Ciapier čytajuć
Skandał u «Jeŭraopcie». 96‑hadovamu dziadulu nie dazvolili prysieści na kresła kala kasy21
Kamientary