Ekśpierty Fiederalnaha biuro rasśledavańniaŭ ZŠA ŭžo akazali važnuju dapamohu ŭ rasśledavańni kryminalnaj spravy ab zabojstvie žurnalista Paŭła Šaramieta.
Jak paviedamili UNIAN va Upraŭleńni suviaziaŭ z hramadskaściu i ŚMI Hienieralnaj prakuratury Ukrainy, pra heta padčas bryfinhu ŭ Čarnihavie zajaviŭ hienieralny prakuror Juryj Łucenka. «Jany ŭžo dapamahli nam u vyznačeńni typu vybuchoŭki, praviadzieńni aŭtaekśpiertyzy, pracy ź videamateryjałami», — paviedamiŭ jon. Pa słovach Łucenki, śpiecyjalisty FBR zakonna supracoŭničajuć z MUS i Hienieralnaj prakuraturaj adnosna rasśledavańnia kryminalnaj vytvorčaści pa fakcie zabojstva žurnalista.
Adnačasova jon vykazaŭsia suprać luboj uciečki ŭnutranaj słužbovaj infarmacyi, što moža tolki pieraškodzić rasśledavańniu spravy. «Kali my budziem hatovyja da publičnaj častki, u tym liku abnarodavańnie fotarobataŭ, my heta abaviazkova zrobim», — zapeŭniŭ jon.
Łucenka taksama paviedamiŭ, što rasśledavańnie ŭ kryminalnaj vytvorčaści pa fakcie zabojstva Šaramieta ažyćciaŭlaje Hałoŭnaje śledčaje ŭpraŭleńnie MUS, a pracesualnaje kiraŭnictva - supracoŭniki Hienieralnaj prakuratury Ukrainy, jakija majuć vielizarny dośvied raskryćcia takich spraŭ. «Praca praciahvajecca», — adznačyŭ jon.
Kamientary