Centr dziaržaŭnaj movy ŭ Łatvii pryniaŭ rašeńnie aštrafavać mera Ryhi Niła Ušakova za toje, što Ryžskaja duma kamunikuje ŭ sacyjalnych sietkach (Facebook, Twitter i Instragram) na ruskaj movie, paviedamlaje Delfi.
«Pryčym pra štraf ja pačuŭ nie ad samaha Centra dziaržmovy, a ŭžo ad žurnalistaŭ», — napisaŭ u fejsbuku Ušakoŭ.
«Naturalna, hetaje supraćpraŭnaje rašeńnie budzie asprečanaje. Ryžskaja duma praciahnie, jak i raniej, kamunikavać sa svaimi žycharami ŭ ciapierašnim režymie, heta značyć, pa mienšaj miery, na troch movach — łatyšskaj, ruskaj, anhlijskaj», — zajaviŭ Ušakoŭ.
9 maja 2015 hoda Ušakoŭ vystupiŭ z pramovaj, prymierkavanaj da Dnia Pieramohi, na ruskaj movie. U ŚMI jon patłumačyŭ hetaje rašeńnie tym, što chacieŭ padtrymać ruskamoŭnaje nasielnictva, mierkavańnie jakoha časta ihnarujecca aficyjnymi ŭładami, piša VVS.
Pramova Ušakova tady pryciahnuła da jaho ŭvahu Centra dziaržaŭnaj movy. Adnak Ušakoŭ patłumačyŭ, što mierapryjemstva było arhanizavana hramadskaj arhanizacyjaj. Takim čynam, mer svaim vystupam na ruskaj movie nie parušyŭ zakanadaŭstva krainy.
Ušakoŭ zajmaje pasadu mera Ryhi z 2009 hoda. Jon svabodna havoryć na ruskaj, łatyšskaj i anhlijskaj movach.
Nahadajem, u pieršaj pałovie 2016 hoda za nievykanańnie zakona ab dziaržaŭnaj movie da administracyjnaj adkaznaści u Łatvii pryciahnutyja 180 čałaviek.
Ciapier čytajuć
Babaryka: Nie mohuć zdymacca sankcyi z pradpryjemstvaŭ i ludziej, zadziejničanych u vajnie. Vypuścicie palitviaźniaŭ canoj zabojstva ŭkraincaŭ?16
Babaryka: Nie mohuć zdymacca sankcyi z pradpryjemstvaŭ i ludziej, zadziejničanych u vajnie. Vypuścicie palitviaźniaŭ canoj zabojstva ŭkraincaŭ?
Maksim Znak pra pres-kanfierencyju va Ukrainie: My damovilisia nie ŭzdymać najbolš balučyja temy — katavańniaŭ, sankcyj, vajny. Moža, musili my pa-inšamu zrabić88
Maksim Znak pra pres-kanfierencyju va Ukrainie: My damovilisia nie ŭzdymać najbolš balučyja temy — katavańniaŭ, sankcyj, vajny. Moža, musili my pa-inšamu zrabić8
Za dva dni na vyratavalny ŭkoł Ksiušy z Mahilova sabrali rekordnyja $300 tysiač. Mama zdała jaje ŭ dzietdom, a čužyja ludzi bjucca za žyćcio dziciaci55
Kamientary