Kamanda pieršaha namieśnika staršyni Ruchu «Za Svabodu» Jurasia Hubareviča nakiravała 21 pradstaŭnika ŭ učastkovyja vybarkamy 108 Kalinoŭskaj akruhi ŭ Minsku. Nivodny ź ich, u tym liku tyja, što źbirali za siabie podpisy, nie byŭ uklučany ŭ skład kamisii.
Usiaho pa 108-109 akruhach byli padadzienyja 1160 zajavak, raspavioŭ siabra inicyjatyŭnaj hrupy Hubareviča, jaki prysutničaŭ na pasiadžeńni administracyi rajonu, Aleś Słavinski.
Pa jaho słovach, ź ich 316 byli vyłučanyja partyjami, hramadskimi abjadnańniami 563, zboram podpisaŭ 205.
«Kožnuju kandydaturu začytvali asobna, akcentavali uvahu na našych vyłučencach, što dośviedu ŭdziełu u kamisijach nie majuć, słaba viedajuć vybarčy kodeks ci nie źjavilisia na sumoŭje. Toje ž samaje pa tych chto vyłučaŭsia zboram podpisaŭ z 205 akcent zrabili na šaści našych vyłučencach», — adznačyŭ aktyvist Ruchu «Za Svabodu».
«Ułady pabačyli, što my robim davoli mocnuju kampaniju i pry sumlennym padliku hałasoŭ vynik moža być nie toj, na jaki jany raźličvajuć», — prakamientavaŭ vyniki farmavańnia kamisijaŭ Juraś Hubarevič.
Pa jahonych słovach, vidavočna, što ŭ administracyi byŭ dyfierencyravany padychod: padvyšanaja ŭvaha była da tych, chto moža padličyć hałasy «realna sumlenna, nie parušajučy zakon, adkryta dla naziralnikaŭ».
«Ułada praciahvaje pravalvać ispyty. Jak by jany nie staralisia imitavać demakratyčnyja vybary, niemahčyma heta zrabić, prymajučy tyja ž rašeńni, što i raniej, pracujučy starymi mietadami pad čas farmavańnia kamisijaŭ i padliku hałasoŭ. Pieršy etap — stvareńnie vybarkamaŭ — pakazaŭ, što ničoha nie mianiajecca i mianiacca nie budzie: budzie imitacyja demakratyčnych vybaraŭ, ale heta nie bolš čym sproba šulera prademanstravać sumlennuju hulniu», — padkreśliŭ Hubarevič.
Kamientary