Pa spravie ab damoŭnych matčach zatrymanyja piać hulcoŭ čempijanatu Biełarusi pa futbole
Supracoŭniki hałoŭnaha ŭpraŭleńnia pa baraćbie z arhanizavanaj złačynnaściu i karupcyjaj MUS pravodziać kompleks apieratyŭna-vyšukovych mierapryjemstvaŭ pa vyjaŭleńni faktaŭ arhanizacyi damoŭnych matčaŭ u vyšejšaj i pieršaj lihach čempijanatu Biełarusi pa futbole.
Jak paviedamlaje ŭpraŭleńnie infarmacyi i hramadskich suviaziaŭ MUS, ustanoŭlena, što 5 červienia dvoje hramadzian Ukrainy praz pasrednika, hramadzianina Biełarusi, padkupili niekalkich hulcoŭ FK «Ašmiany» pieršaj lihi, kab zabiaśpiečyć projhryš hetaj kamandy futbolnamu kłubu «Baranavičy» u pieršym tajmie sustrečy, jakaja adbyłasia ŭ hety ž dzień.
Suma niezakonnaha ŭznaharodžańnia, pieradadzienaha pasrednikam i hulcam FK «Ašmiany» napiaredadni matča ŭ jakaści zadatku i adrazu paśla jaho praviadzieńnia, skłała jak minimum 2.000 dołaraŭ ZŠA.
Pa materyjałach HUBAZiK MUS, 26 lipienia Śledčym kamitetam była raspačataja čarhovaja kryminalnaja sprava pa art. 253 KK (podkup udzielnikaŭ i arhanizataraŭ prafiesijnych spartovych spabornictvaŭ i vidoviščnych kamiercyjnych konkursaŭ).
Padazravanymi pa spravie, akramia «zakazčykaŭ» i «pasrednika», pryznanyja piać hulcoŭ FK «Ašmiany». Jany zatrymanyja. Vyśviatlajucca inšyja saŭdzielniki.
«Jość usie padstavy mierkavać, što ŭ damoŭnych matčach mahli być zamiašanyja nie tolki hulcy «asnovy», ale i tyja, chto vychodziŭ na zamienu, a ŭ šerahu vypadkaŭ navat futbalisty, jakija ŭsiu hulniu zastavalisia ŭ reziervie. Tak, padčas praviadzieńnia zhadanaha matču adnu z asnoŭnych rolaŭ u niezakonnaj schiemie syhraŭ małady čałaviek, jaki znachodziŭsia na łaŭcy zapasnych «Ašmianaŭ» i pieradavaŭ umoŭnyja sihnały udzielnikam hulni», — havorycca ŭ paviedamleńni MUS.
Mierapryjemstvy, jakija pravodziacca Ministerstvam unutranych spraŭ, ažyćciaŭlajucca ŭ ciesnym uzajemadziejańni ź Biełaruskaj fiederacyjaj futboła.
Ciapier čytajuć
Babaryka: Nie mohuć zdymacca sankcyi z pradpryjemstvaŭ i ludziej, zadziejničanych u vajnie. Vypuścicie palitviaźniaŭ canoj zabojstva ŭkraincaŭ?27
Babaryka: Nie mohuć zdymacca sankcyi z pradpryjemstvaŭ i ludziej, zadziejničanych u vajnie. Vypuścicie palitviaźniaŭ canoj zabojstva ŭkraincaŭ?
Maksim Znak pra pres-kanfierencyju va Ukrainie: My damovilisia nie ŭzdymać najbolš balučyja temy — katavańniaŭ, sankcyj, vajny. Moža, musili my pa-inšamu zrabić88
Maksim Znak pra pres-kanfierencyju va Ukrainie: My damovilisia nie ŭzdymać najbolš balučyja temy — katavańniaŭ, sankcyj, vajny. Moža, musili my pa-inšamu zrabić8
Za dva dni na vyratavalny ŭkoł Ksiušy z Mahilova sabrali rekordnyja $300 tysiač. Mama zdała jaje ŭ dzietdom, a čužyja ludzi bjucca za žyćcio dziciaci55
Kamientary