Staršynia RHA «Pierśpiektyva» Anatol Šumčanka aštrafavany na 20 bazavych vieličyniaŭ (420 denaminavanych rubloŭ) za ŭdzieł u akcyi na Dzień Voli 25 sakavika. Takoje rašeńnie 28 lipienia vyniesła sudździa suda Savieckaha rajona Minska Maryna Fiodarava, paviedamiŭ Šumčanka.
U pastanovie suda, fotakopiju jakoha Šumčanka raźmiaściŭ na svajoj staroncy ŭ fejsbuku, skazana, što 25 sakavika ŭ 18.40 jon «uziaŭ aktyŭny ŭdzieł u mitynhu, na praviadzieńnie jakoha adsutničaje dazvoł Minharvykankama». Śviedkaj u sudzie vystupiŭ učastkovy milicyjanier Vital Paŭłoŭski, jaki zajaviŭ, što Šumčanka «vykrykvaŭ łozunhi». Sam lidar «Pierśpiektyvy» heta admaŭlaje.
Šumčanka maje namier abskardzić sudovaje rašeńnie ŭ vyšejšaj instancyi. «Milicyjanier na sudzie kazaŭ, što ja vykrykvaŭ łozunhi, — heta takaja nachabnaja chłuśnia, što prosta žach», — adznačyŭ jon.
Heta ŭžo treciaje sudovaje pasiadžeńnie pa administratyŭnym pratakole, jaki milicyjaniery skłali ŭ dačynieńni da Šumčanki 25 sakavika. Pieršapačatkova jon byŭ aštrafavany na 30 bazavych vieličyń (6,3 młn niedenaminavanych rubloŭ), adnak abskardziŭ rašeńnie ŭ Minharsudzie. 28 červienia haradski sud admianiŭ štraf z-za pracesualnych parušeńniaŭ, nakiravaŭšy spravu na novy razhlad u rajonny sud.
Ciapier čytajuć
Redaktara niezaležnaj baranavickaj haziety «Inteks-Pres» Janukieviča prysudzili da 14 hadoŭ kałonii, jaho namieśnika Pakalenku — da 12 hadoŭ12
Kamientary