Žančyna z aŭstralijskaha rehijonu Tasmanija u 63 hady ŭpieršyniu stała maci, baćku dziciaci — 78 hadoŭ. Dzicia naradziłasia na terminie 34 tydni z dapamohaj kiesarava siačeńnia.
Zaciažaryć žančynie ŭdałosia paśla šmathadovych sprobaŭ pravieści štučnaje apładnieńnie donarskimi jajcakletkami. Apošniaja takaja sproba akazałasia paśpiachovaj. Imiony baćkoŭ i novanarodžanaj dziaŭčynki nie vydajucca.
«My razumiejem vialikuju cikavaść da hetaj historyi, ale siamja nie šukaje publičnaści ni ciapier, ni ŭ budučyni», — cytuje Sydney Morning Herald Majkła Rozeka, pradstaŭnika pryvatnaj balnicy Frances Perry House ŭ Mielburnie, dzie była zroblenaja apieracyja.
Papiaredni aŭstralijski rekord šeść hadoŭ utrymlivała 60-hadovaja maci, a suśvietny naležyć žycharcy Rumynii pa imi Adryjana. U 2005 hodzie jana naradziła va ŭzroście 66 hadoŭ.
Miedyki žorstka raskrytykavali novaśpiečanych baćkoŭ. Kiraŭnik Aŭstralijskaj miedycynskaj asacyjacyi Majkł Henan nazvaŭ ich rašeńnie zavieści dzicia varjackim, niapravilnym i ehaistyčnym. Pavodle jaho słoŭ, čałaviečaje cieła «nie stvoranaje dla taho, kab mieć dziaciej u 60 hadoŭ».
Prafiesar Heb Kovaks, ekśpiert pa EKA, u svaju čarhu, adznačyŭ, što ciažarnaść u takim uzroście moža ŭjaŭlać niebiaśpieku i dla maci, i dla dziciaci. «Akramia taho, kali dziaŭčyncy budzie 21, jaje maci budzie 84», — adznačyŭ jon.
«Niaŭžo vy dajacie dziciaci najlepšaje žyćcio z mahčymych? Intaresy dziciaci pavinny być pieršačarhovymi», — reziumavaŭ Ednan Katakovič z Haradskoha centra repraduktyŭnaści.
Što aznačaje źjaŭleńnie vychadcaŭ ź Biełarusi ŭ rasijskim śpiecpadraździaleńni dla asabliva važnych apieracyj i tajnych zabojstvaŭ?20
Što aznačaje źjaŭleńnie vychadcaŭ ź Biełarusi ŭ rasijskim śpiecpadraździaleńni dla asabliva važnych apieracyj i tajnych zabojstvaŭ?
Za dva dni na vyratavalny ŭkoł Ksiušy z Mahilova sabrali rekordnyja $300 tysiač. Mama zdała jaje ŭ dzietdom, a čužyja ludzi bjucca za žyćcio dziciaci44
Za dva dni na vyratavalny ŭkoł Ksiušy z Mahilova sabrali rekordnyja $300 tysiač. Mama zdała jaje ŭ dzietdom, a čužyja ludzi bjucca za žyćcio dziciaci4
Vychadcy z «Alfa» KDB Biełarusi zajmajuć kiraŭničyja pasady ŭ novym rasijskim supiersakretnym śpiecpadraździaleńni, pryznačanym dla zabojstvaŭ za miažoju3333
Kamientary