Piensijny ŭzrost pavialičać, kali budzie adobrana prapanova Bundesbanka, ź jakoj jon źviarnuŭsia da ŭrada Hiermanii, paviedamlaje BBC.
Bundesbank ličyć, što ŭrad pavinien razhledzieć mahčymaść pavyšeńnia piensijnaha ŭzrostu da 69 hadoŭ da 2060 hoda. Na dadzieny momant piensijny ŭzrost składaje 65 hadoŭ.
Centrabank zapeŭnivaje, što ŭ advarotnym vypadku krainie budzie ciažka vykanać svaje piensijnyja abaviazalnictvy.
U toj ža čas adznačajecca, što ciapier dziaržaŭnaja piensijnaja sistema znachodzicca ŭ dobrym finansavym stanie, ale apyniecca pad ciskam u bližejšyja dziesiacihodździ.
Bundesbank kaža, što kali bebi-bumiery — tyja, chto naradziŭsia ŭ pieryjad paśla Druhoj suśvietnaj vajny — syduć na piensiju, ich budzie značna bolš, čym maładych rabotnikaŭ, jakija zmohuć zamianić ich.
Užo ciapier viadoma, što piensijny ŭzrost dla niemcaŭ pastupova ŭzraście da 67 hadoŭ da 2030 hoda.
Adnak, jak ličyć bank, da 2050 hoda hety rost nie budzie dastatkovym dla niamieckaha ŭrada, kab zachavać dziaržaŭnyja piensii na ŭzroŭni nie mienš za 43% ad siaredniaha zarobku. Tamu jon prapanuje adsunuć piensijny ŭzrost da 69 hadoŭ.
Ciapier čytajuć
Na svoj dzień naradžeńnia Zialenski z Naŭrockim, Naŭsiedam i Cichanoŭskaj u Vilni ŭšanuje pamiać Kastusia Kalinoŭskaha5
Kamientary