Avijamadeli možna vykarystoŭvać na vyšyni nie bolšaj za 100 mietraŭ
Pastanovaj Savieta ministraŭ ad 16 žniŭnia № 636 zaćvierdžanyja praviły vykarystańnia avijamadelaŭ u Respublicy Biełaruś.
Zhodna z dakumientam, avijamadeli nie padlahajuć dziaržaŭnaj rehistracyi. Pry hetym dla biaśpieki palotaŭ pavietranych sudnaŭ vykarystańnie avijamadelaŭ ažyćciaŭlajecca na vyšyni, jakaja nie pieravyšaje 100 mietraŭ ad uzroŭniu ziamnoj (vodnaj) pavierchni.
Zabaraniajecca vykarystańnie avijamadelaŭ: u miežach zabaronienych dla ich vykarystańnia zon, biez uzhadnieńnia ź dziaržaŭnymi orhanami (arhanizacyjami), u intaresach jakich ustanoŭleny takija zony; u vypadkach, jakija vyznačajucca Słužbaj biaśpieki prezidenta Respubliki Biełaruś; na vyšyni, jakaja pieravyšaje 100 mietraŭ ad uzroŭniu ziamnoj (vodnaj) pavierchni; ahulnaj masaj bolš za 0,5 kiłahrama biez adpaviednaj markiroŭki avijamadeli.
Pieralik zon, zabaronienych dla vykarystańnia avijamadelaŭ, ustanaŭlivajecca Ministerstvam abarony pa ŭzhadnieńni ź Ministerstvam transpartu i kamunikacyj.
Abaviazkovaj markiroŭcy padlahajuć avijamadeli ahulnaj masaj bolš za 0,5 kiłahrama. Markiroŭka ažyćciaŭlajecca uładalnikam avijamadeli na jaje bačnych častkach kanstrukcyi abo na schavanych častkach, da jakich mahčymy dostup biez vykarystańnia instrumientaŭ. Simvały pavinny być čytelnyja pry vizualnym ahladzie.
Ministerstvu abarony daručana pa ŭzhadnieńni ź Ministerstvam transpartu i kamunikacyj da 28 žniŭnia 2016 hod ustanavić pieralik zon, zabaronienych dla vykarystańnia avijamadelaŭ.
Pastanova nabyvaje moc 28 žniŭnia 2016 hoda, za vyklučeńniem punkta 2, jaki nabyvaje moc paśla jaje aficyjnaha apublikavańnia
«Mama, davaj napišam zajavu ŭ milicyju, jon mianie ŭžo dastaŭ». Maci školnika z Bresta, jaki skončyŭ žyćcio samahubstvam, raskazała pra ckavańnie syna8
Kamientary