Statkievič i Niaklajeŭ apaviaścili Minharvykankam pra pryznačanuju na 12 vieraśnia akcyju
Apazicyjnyja palityki Mikałaj Statkievič i Uładzimir Niaklajeŭ prainfarmavali Minharvykankam ab namiery pravieści 12 vieraśnia na Kastryčnickaj płoščy masavuju akcyju. 6 vieraśnia jany prynieśli ŭ Minharvykankam adpaviedny dakumient.
U im havorycca, što zhodna z artykułam 55 Kanstytucyi Biełarusi i padpisanymi krainaj mižnarodnymi damovami Statkievič i Niaklajeŭ majuć namier pravieści masavuju akcyju z metaj patrabavać «sapraŭdnych vybaraŭ zamiest vybarčych farsaŭ, jakija rehularna arhanizuje kirujučy režym». Pačatak akcyi zapłanavany na 18.00. Minharvykankamu prapanujecca vykanać patrabavańni Kanstytucyi i zabiaśpiečyć bieśpieraškodnaje praviadzieńnie akcyi.
U kamientaryi BiełaPAN Statkievič padkreśliŭ, što hety dakumient nie źjaŭlajecca zajaŭkaj na dazvoł akcyi. «Heta apaviaščeńnie ab namiery jaje pravieści. Akcyja budzie, jany nie mohuć mnie jaje zabaranić, ja nie prašu dazvołu», — zajaviŭ były palitviazień.
11 vieraśnia ŭ Biełarusi projduć vybary ŭ Pałatu pradstaŭnikoŭ Nacyjanalnaha schodu šostaha sklikańnia. Daterminovaje hałasavańnie pačałosia 6 vieraśnia.
Ciapier čytajuć
Azaraŭ mocna pakryŭdziŭsia na słovy «psieŭdalidarki Cichanoŭskaj», što jaho Płan Pieramoha byŭ pamyłkaj34
Kamientary