Abjadnanaja hramadzianskaja partyja da zaŭtra vyrašyć, što rabić z mandatam u parłamiencie, jaki atrymała ich aktyvistka Hanna Kanapackaja.
Pra heta zajaviŭ lidar AHP Anatol Labiedźka na pres-kanfierencyi ŭ Minsku, adkazvajučy na pytańnie, ci płanuje partyja admovicca ad deputackaha miesca, jakoje było atrymana ŭ vyniku, jak jany ličać, niesumlennych vybaraŭ.
— My ŭsie rašeńni prymajem kalehijalna. My budziem abmiarkoŭvać hetaje pytańnie. Ja dumaju, ja budu kansultavacca sa svaimi kalehami pa pravacentrysckaj kaalicyi. Tut jość svaje plusy i minusy. Usio budzie pakładziena na šali vahaŭ. Što rabić ź jaje mandatam, my budziem vyrašać, bo jana partyjny kandydat.
Paśla pres-kanfierencyi palityk zajaviŭ, što schilajecca da taho, što palitrada AHP prymie rašeńnie pakinuć Kanapackuju ŭ parłamiencie. Labiedźka ličyć, što jana adna z padtrymkaj partyi zmoža bolš, čym 108 praŭładnych deputataŭ.
Pa słovach palityka, Hanna Kanapackaja, jak i inšyja śpikiery AHP (tak u partyi nazyvajuć svaich kandydataŭ), praviała vielmi mocnuju i intensiŭnuju kampaniju.
— Ja sam byŭ na šmatlikich jaje pikietach. Jana pazicyjanavała siabie vielmi vyrazna — jak pradstaŭnik apazicyjnaj struktury. Jaje prahrama — miljon novych pracoŭnych miescaŭ.
Ciapier čytajuć
«Mikałaja bili, dzie tolki jaho bačyli». Pra katavańni źniavolenaha anarchista Dziadka raskazała advakatka Mackievič2
Kamientary