Suzdalcaŭ aburajecca, što Biełaruś spraščaje vizavy režym ź Jeŭrasajuzam
Rasijski palitołah Andrej Suzdalcaŭ, u svoj čas departavany ź Biełarusi, napisaŭ na sajcie Lifenews kałonku, pryśviečanuju «tranzitnym kazusam sajuznych stasunkaŭ Rasii i Biełarusi».
«Farmalna pamiž Biełaruśsiu i Rasijaj nijakaj miažy niama, ale čaściakom naš dobrazyčlivy susied vystupaje ŭ roli svojeasablivaha šluza dla źjaŭleńnia na našaj terytoryi hramadzian z krain, ź jakimi ŭ nas jak raz ŭstalavany vizavy režym», — tłumačyć jon i pryvodzić prykłady. Maŭlaŭ, Biełaruś pavialičvała kolkaść avijarejsaŭ u Tbilisi i Kijeŭ, kali tyja mieli napružanaść u adnosinach z Rasijaj.
«Dziŭnyja rečy adbyvajucca. Byccam by Rasija i Biełaruś — sajuznyja dziaržavy bieź miežaŭ, ale biaźvizavyja režymy my adkryvajem, absalutna nie rajačysia adzin z adnym. Tak uźnikaje masa niespadziavanak, i ludzi, jakich my nie chacieli b bačyć u Rasii, całkam spakojna kuplajuć u Minsku kvitki na ciahnik i jeduć da nas, čamu my nijak nie možam pieraškadžać», — narakaje Suzdalcaŭ.
Nahoda publikavańnia kałonki nibyta ŭ tym, što Polšča i Rasija spynili mały prymiežny ruch. Adnak palitołah pieravodzić temu na rašeńni biełaruskich uładaŭ:
«Uźnikła jašče adna prablema ŭ suviazi z tym, što Biełaruś znachodzicca na stadyi pryniaćcia cełaha šerahu papravak da zakanadaŭstva, dziakujučy jakim hramadzianie jeŭrapiejskich krain atrymajuć mahčymaść pa prylocie ŭ Biełaruś kuplać prama ŭ aeraporcie vizu i znachodzicca tam absalutna svabodna. I ŭsio heta iznoŭ ža nie ŭzhadniajecca z Rasijaj, pry tym, što dla ŭsich vidavočna — hałoŭnaja cikavaść hetych ludziej nie Minsk, da jakoha ŭ Zachadu davoli abmiežavanyja ekanamičnyja intaresy, a Rasija. Viadoma, farmalna nijakich pamiežnikaŭ na miažy Rasii i Biełarusi być nie moža, ale niejki kantrol my ŭsio ž vymušanyja ažyćciaŭlać u suviazi ź niedavieram da Minska ŭ hetym pytańni».
Ciapier čytajuć
Polšča nie adkryje miažy i paśla skančeńnia vučeńniaŭ «Zachad»18
Kamientary