U Minsku prajšła akcyja Statkieviča za sapraŭdnyja vybary
19:20
Aceńvajučy akcyju ŭ kamientary «Našaj Nivie», Statkievič skazaŭ, što heta «hodnaja akcyja hodnych ludziej». «Tak, narodu vyjšła nie šmat, bo hramadstva pakul nie hatovaje da šyrokich pratestaŭ i nie ličyć parłamienckija vybary značnaj padziejaj, vartaj pratestaŭ. Chto pryjšoŭ — małajcy», — dadaŭ jon.
19:15
Słavamir Adamovič pačaŭ čytać vieršy i zaadno pradavać svaje knihi.
19:10
Kałona dajšła da płoščy Niezaležnaści i spyniłasia la Čyrvonaha kaścioła. Statkievič kaža, što parłamient nie prymaje rašeńniaŭ, a vybarčaja kamisija nikoha nie abiraje. Natoŭp hukaje «Hańba!»
Statkievič dziakuje prysutnym i abiacaje, što «my pryjdziem na hetyja vulicy jašče, pakul našaja kraina nie budzie volnaj, nas buduć sotni tysiač».
Na hetym jon zaklikaje razychodzicca, bierahčy siabie, zhortvać ściahi. Abiacaje, što prablem u tych, chto nie vystupaŭ, nie budzie, a kali buduć, zaklikaje źviazvacca ź im praz sacsietki.
19:05
Apierataram dziaržaŭnych kanałaŭ dali achovu. Mužčyny ŭ sinim i šerym nie adychodziać ad apieratara ni na krok.
19:00
Tavaryšaŭ u takich kiepkach było prynamsi troje.
18:55
18:50
Kałona prachodzić la budynka KDB, pieradaje supracoŭnikam viedamstva «pryvitańnie» vopleskami. Ludzi hukajuć «Niezaležnaść!» i «Žyvie Biełaruś!»
Tym časam u natoŭpie byli zaŭvažanyja dva čałavieki, jakija kryčali «pajšoŭ na…» na ŭsie prapanovy pramoŭcaŭ. Ad kałony jany nie adstajuć, ale skardziacca, što ciažka iści z «hetymi».
18:45
U kałonie, jakaja ruchajecca pa praśpiekcie Niezaležnaści, kala 200 čałaviek.
18:35
Arhanizatary abviaścili ab namiery prajści šeściem da CVK. Statkievič pavioŭ ludziej pa praśpiekcie. Tym časam milicyja pryjšła składać pratakoły na vystupoŭcaŭ.
Pačalisia sutyčki ź milicyjaj, mocnaja šturchanina. U siłavikoŭ litaralna adbili Sieviarynca i Daškieviča. Usie milicyjanty, akramia adnaho, u cyvilnym. Tym časam asnoŭnaja kałona pajšła na praśpiekt.
18:30
Źmicier Daškievič zaklikaŭ 19 vieraśnia na akcyju «praśpiekt nacyjanalnaha ściahu».
18:20
Pačaŭsia mitynh. Uładzimir Niaklajeŭ zaklikaje da novych vybaraŭ, kaža, što vyniki vybaraŭ mnohija paličyli «pieramohaj demakratyi», a heta byŭ «čarhovy fars i padman naroda».
«Baluča i soramna, — vykazaŭsia Mikałaj Statkievič pra ŭčorašnija vybary. — Heta haniebny śpiektakl». «Łukašenka pradaść nas za paru miljardaŭ i źjedzie ŭ Vieniesuełu», — dadaŭ jon. Palityk abviaściŭ kampaniju pa viartańni ŭ krainu sapraŭdnych vybaraŭ.
18:15
Na płoščy ŭžo kala 100 čałaviek. Zaŭvažanyja niekalki padazronych asob u kiepkach Russia. Prysutničaje milicyja ŭ cyvilnym, ale asabliva nie «śviecicca».
18:10
Łajk, kali padabajecca hety pratest pic.twitter.com/kNka5hQHwc
18:00
Kala Pałaca Respubliki kala 50-70 čałaviek. Łunajuć niekalki ściahoŭ Maładoha Frontu. Siarod prysutnych — Mikałaj Statkievič, Pavieł Sieviaryniec, Źmicier Daškievič, Vital Rymašeŭski, Uładzimir Niaklajeŭ, Pavieł Vinahradaŭ, Volha Nikałajčyk. Hučyć Belarus freedom «Lapisaŭ».
***
Hramadski dziejač Mikałaj Statkievič zaklikaŭ biełarusaŭ damahacca praviadzieńnia sapraŭdnych vybaraŭ. Dla hetaha jon prapanavaŭ sabracca 12 vieraśnia a 18-j na Kastryčnickaj płoščy stalicy.
«Vybaraŭ nie było — byŭ fars. My pavinny zmahacca za sapraŭdnyja vybary. Ja dumaju, ekanamičny kryzis budzie narastać, i ŭ nastupnym hodzie mahčyma tak, što ŭ nas jość šancy damahčysia sapraŭdnych vybaraŭ. Jany paddajucca — treba cisnuć», — śćviardžaje Statkievič.
Kamientary