Na čas motaprabiehu z udziełam Łukašenkaŭ u Minsku zatrymali Źmitra Daškieviča
U Minsku ŭ rajonie Kamaroŭskaha rynku zatrymany adzin ź lidaraŭ hramadskaha abjadnańnia «Małady front» Źmicier Daškievič, paviedamiła jaho žonka Nasta Daškievič.
Źmitra Daškieviča zaciahnuli ŭ mikraaŭtobus, za jakim jechała milicejskaja mašyna, paviedamiła jana. Dzie ciapier znachodzicca Daškievič, nieviadoma.
Siońnia Daškievič płanavaŭ pryniać udzieł u pikiecie ŭ Centry Minska kala kramy «Centralny». Akcyja pavinna pačacca ŭ 11 hadzin i, pa zadumie jaho arhanizataraŭ, budzie doŭžycca da 20 hadzin. Na pikiecie aktyvisty «Maładoha frontu» majuć namier źbirać podpisy pad zvarotam u Ministerstva kultury za nadańnie bieł-čyrvona-biełamu ściahu statusu niemateryjalnaj historyka-kulturnaj kaštoŭnaści. Pra pačatak zboru podpisaŭ było abvieščana 19 vieraśnia pa zaviaršeńni akcyi «Praśpiekt nacyjanalnaha ściaha» ŭ Minsku. Daškievič zajaŭlaŭ, što płanuje źbirać podpisy kožny dzień, akramia niadzieli.
Siońnia ŭ Minsku adbudziecca zakryćcio motasiezona Harley Davidson H.O.G. Rally Minsk. U im voźmuć udzieł kala 4000 bajkieraŭ ź Biełarusi, Rasii, Prybałtyki, krain Zachodniaj Jeŭropy. U mierapryjemstvie, jakoje pačniecca a 12 hadzinie, płanujecca ŭdzieł Alaksandra Łukašenki. U rajonie kramy «Centralny», dzie płanuje pravieści akcyju «Małady front», na dadzieny momant zasiarodžana niekalki dziasiatkaŭ supracoŭnikaŭ pravaachoŭnych orhanaŭ.
11:15
Jak paviedamlaje karespandent «NN», akcyja ŭsio ž pačałasia, na miescy źbirajuć podpisy dvoje aktyvistaŭ.
Paźniej stała viadoma, što Daškieviča adpuścili.
Ciapier čytajuć
«Biełaruś ciabie lubić». Repartaž z raźvitańnia ź Mikitam Miełkazioravym6
Kamientary