AAT «Biełšyna» pastavić pakistanskaj kampanii pradukcyju na 15 młn jeŭra. Adpaviedny kantrakt byŭ padpisany 4 kastryčnika padčas biznes-forumu ŭ Pakistanie, paviedamiŭ žurnalistam hienieralny dyrektar pradpryjemstva Alaksiej Jakaŭleŭ.
Pa słovach Alaksieja Jakaŭleva, zaklučany pamiž AAT «Biełšyna» i pakistanskaj kampanijaj kantrakt raźličany na čatyry hady. «Sumarnaja jaho jomistaść paradku 15 młn jeŭra», — adznačyŭ jon.
Jašče adnym surjoznym kirunkam supracoŭnictva biełaruskaha pradpryjemstva z kampanijami Pakistana moža stać stvareńnie sumiesnaha pradpryjemstva.
«My prapracoŭvajem z adzinym vytvorcam šyn na pakistanskim rynku sumiesny prajekt. Płanujem arhanizavać na ich mahutnaściach vytvorčaść pad brendam «Biełšyna». My havorym nie tolki ab sielskahaspadarčych šynach (z hetaha pačniom), ale i płanujem taksama razhladzieć mahčymaść vytvorčaści ŭ ich sucelnamietałakordnych hruzavych šyn, šyn dla budaŭničaj techniki i lehkavych aŭtamabilaŭ», — raspavioŭ hiendyrektar pradpryjemstva.
Kamientary