ААТ «Белшына» паставіць пакістанскай кампаніі прадукцыю на 15 млн еўра. Адпаведны кантракт быў падпісаны 4 кастрычніка падчас бізнэс-форуму ў Пакістане, паведаміў журналістам генеральны дырэктар прадпрыемства Аляксей Якаўлеў.
Па словах Аляксея Якаўлева, заключаны паміж ААТ «Белшына» і пакістанскай кампаніяй кантракт разлічаны на чатыры гады. «Сумарная яго ёмістасць парадку 15 млн еўра», — адзначыў ён.
Яшчэ адным сур'ёзным кірункам супрацоўніцтва беларускага прадпрыемства з кампаніямі Пакістана можа стаць стварэнне сумеснага прадпрыемства.
«Мы прапрацоўваем з адзіным вытворцам шын на пакістанскім рынку сумесны праект. Плануем арганізаваць на іх магутнасцях вытворчасць пад брэндам «Белшына». Мы гаворым не толькі аб сельскагаспадарчых шынах (з гэтага пачнём), але і плануем таксама разглядзець магчымасць вытворчасці ў іх суцэльнаметалакордных грузавых шын, шын для будаўнічай тэхнікі і легкавых аўтамабіляў», — распавёў гендырэктар прадпрыемства.
Цяпер чытаюць
Жонка адгаворвала падпалкоўніка ДФР браць хабары, а той казаў: «Атрымаю палкоўніка — і на пенсію». Першая пенсія прыйшла ўжо на арыштанцкі рахунак12
Жонка адгаворвала падпалкоўніка ДФР браць хабары, а той казаў: «Атрымаю палкоўніка — і на пенсію». Першая пенсія прыйшла ўжо на арыштанцкі рахунак
Топавы перакладчык паехаў у Беларусь мяняць пашпарт — і сеў за данаты. «КДБ паглядзеў на суму і вырашыў, што ніхто ў здаровым розуме не можа выдаткаваць столькі ўласных грошай»1515
Каментары