MZS Ukrainy aficyjna rekamiendavaŭ jaje hramadzianam nie jeździć u Rasiju
Ministerstva zamiežnych spraŭ Ukrainy rekamienduje ŭkraincam ŭstrymacca ad naviedvańnia Rasii. Pra heta havorycca ŭ zajavie viedamstva ŭ sieradu.
U MZS nahadali, što «na terytoryi dziaržavy-ahresara ŭzrasła kolkaść nieabhruntavanych zatrymańniaŭ našych suhramadzian».
«Rasijskija pravaachoŭnyja orhany hruba pavodziać siabie z ukraincami, užyvajuć niedapuščalnyja mietady fizičnaha i psichałahičnaha ŭździejańnia, katavańni i inšyja dziejańni, jakija prynižajuć čałaviečuju hodnaść. Hramadzianam Ukrainy admaŭlajuć u dostupie da ich konsułaŭ, advakataŭ», — dadali ŭ viedamstvie.
Ministerstva zajaviła, što takimi dziejańniami Rasija hruba parušaje ŭniviersalnyja normy mižnarodnaha prava ŭ śfiery vykanańnia pravoŭ i svabod čałavieka i svaje mižnarodnyja zabaviazańni.
«Uličvajučy nazvanaje, a taksama ŭličvajučy istotna abmiežavanyja na ciapierašni čas mahčymaści ŭkrainskaha boku zabiaśpiečyć naležnuju biaśpieku našych suhramadzian na terytoryi RF, MZS zaklikaje hramadzian Ukrainy ŭstrymacca ad pajezdak u Rasijskuju Fiederacyju, a taksama ad prajezdu tranzitam pa terytoryi hetaj dziaržavy», — zajavili ŭ MZS.
Raniej u aŭtorak dyrektar palityčnaha departamienta MZS Alaksiej Makiejeŭ zajaviŭ, što naviedvańnie RF źjaŭlajecca niebiaśpiečnym dla ŭsich hramadzian Ukrainy. Jon taksama rekamiendavaŭ ustrymacca ad pajezdak u hetuju krainu.
-
U Bierlinie dziasiatki tysiač žycharoŭ zastalisia bieź śviatła praz dyviersiju
-
Zialenski, Makron i Starmier padpisali dekłaracyju ab razhortvańni va Ukrainie zamiežnaha kantynhientu
-
Va Ukrainu nie puścili italjanca ŭ vyšyvancy, jaki darohaj nachvalvaŭ Pucina. Praz Threads za im sačyli dziasiatki tysiač čałaviek
Kamientary