Міністэрства замежных спраў Украіны рэкамендуе ўкраінцам ўстрымацца ад наведвання Расіі. Пра гэта гаворыцца ў заяве ведамства ў сераду.
У МЗС нагадалі, што «на тэрыторыі дзяржавы-агрэсара ўзрасла колькасць неабгрунтаваных затрыманняў нашых суграмадзян».
«Расійскія праваахоўныя органы груба паводзяць сябе з украінцамі, ужываюць недапушчальныя метады фізічнага і псіхалагічнага ўздзеяння, катаванні і іншыя дзеянні, якія прыніжаюць чалавечую годнасць. Грамадзянам Украіны адмаўляюць у доступе да іх консулаў, адвакатаў», — дадалі ў ведамстве.
Міністэрства заявіла, што такімі дзеяннямі Расія груба парушае ўніверсальныя нормы міжнароднага права ў сферы выканання правоў і свабод чалавека і свае міжнародныя забавязанні.
«Улічваючы названае, а таксама ўлічваючы істотна абмежаваныя на цяперашні час магчымасці ўкраінскага боку забяспечыць належную бяспеку нашых суграмадзян на тэрыторыі РФ, МЗС заклікае грамадзян Украіны ўстрымацца ад паездак у Расійскую Федэрацыю, а таксама ад праезду транзітам па тэрыторыі гэтай дзяржавы», — заявілі ў МЗС.
Раней у аўторак дырэктар палітычнага дэпартамента МЗС Аляксей Макееў заявіў, што наведванне РФ з'яўляецца небяспечным для ўсіх грамадзян Украіны. Ён таксама рэкамендаваў устрымацца ад паездак у гэтую краіну.
Цяпер чытаюць
Жонка адгаворвала падпалкоўніка ДФР браць хабары, а той казаў: «Атрымаю палкоўніка — і на пенсію». Першая пенсія прыйшла ўжо на арыштанцкі рахунак12
Жонка адгаворвала падпалкоўніка ДФР браць хабары, а той казаў: «Атрымаю палкоўніка — і на пенсію». Першая пенсія прыйшла ўжо на арыштанцкі рахунак
Топавы перакладчык паехаў у Беларусь мяняць пашпарт — і сеў за данаты. «КДБ паглядзеў на суму і вырашыў, што ніхто ў здаровым розуме не можа выдаткаваць столькі ўласных грошай»1515
Каментары