Zavieršana rasśledavańnie strašnaha padvojnaha zabojstva na Alibiehava
Hałoŭnym śledčym upraŭleńniem zavieršana rasśledavańnie kryminalnaj spravy ab zabojstvie ŭ śniežni 2015 hoda chłopca i dziaŭčyny ŭ spalnym rajonie Minska.
Nahadajem, u śniežni minułaha hoda ŭ kvatery žyłoha doma pa vulicy Alibiehava z množnymi nažavymi ranieńniami šyi i tułava byli znojdzieny trupy mužčyny i žančyny. Pa ciele mužčyny było naniesiena kala 50 udaraŭ nažom, pa ciele žančyny — bolš za 30.
Jak paviedamlaje SK, arhanizataram złačynstva śledstvam pryznana 27-hadovaja minčanka. Vyjaŭlena, što abvinavačanaja nie źmiryłasia z tym, što mužčyna, ź jakim jana raniej sumiesna pražyvała, padtrymlivaje blizkija stasunki z druhoj dziaŭčynaj. U pačatku śniežnia 2015 hoda jana naniała čałavieka dla jaje vykradańnia. Adnak mužčyna, jaki pahadziŭsia dapamahčy, nie vykanaŭ uziatyja na siabie abaviazacielstvy.
Tady abvinavačanaja źviarnułasia pa dapamohu da svajho 44-hadovaha susieda i jaho 23-hadovaha tavaryša. Zapłaciŭšy im hrošy, jana paprasiła źbić dziaŭčynu.
Vykonvajučy «zakaz», vykanaŭcy adyšli ad raniej abhavoranaha płana, zabiŭšy paciarpiełuju i jaje sužyciela. Paśla hetaha jany zabrali z kvatery achviar hrošy i asabistyja rečy i schavalisia.
Usiu trojcu ŭdałosia zatrymać na praciahu sutak.
U chodzie rasśledavańnia padvojnaha zabojstva pravaachoŭnikami było vyśvietlena, što za niekalki dzion da vykanańnia «zamovy» abvinavačanyja ździejśnili razbojny napad ŭ Minskim rajonie, padčas jakoha zabili 59-hadovaha mužčynu, jaki akazaŭ im aktyŭny supraciŭ.
Vyniki psichołaha-psichijatryčnych ekśpiertyz, praviedzienych u dačynieńni da abvinavačanych, vyjaviłasia, što jany byli pry śviadomaści.
Pa vynikach rasśledavańnia, dziejańni mužčyn kvalifikavanyja śledstvam pa č.2 art.139 (zabojstva troch asob z karyślivych mierkavańniaŭ), č.3 art.207 (razboj, ździejśnieny z metaj zavałodańnia majomaściu ŭ asabliva bujnym pamiery), st.378 (kradziež asabistych dakumientaŭ) Kryminalnaha kodeksa RB. Žančynie pradjaŭlenaje abvinavačvańnie pa č.4 art.16 č.3 st.147 (arhanizacyja pryčynieńnia ciažkaha cialesnaha paškodžańnia, jakoje paciahnuła pa nieaściarožnaści śmierć čałavieka), č.1 art.13 č.2 st.182 (padrychtoŭka da vykradańnia čałavieka).
Materyjały kryminalnaj spravy pieradadzienyja prakuroru dla nakiravańnia ŭ sud.
«Jana nie vyhladała ščyraj, była ŭ mascy». Paŭlučenka pra sustreču Kaleśnikavaj ź biełaruskimi žurnalistami12
Kamientary