Alaksandr Łukašenka nie vyklučaje mahčymaści ŭniasieńnia źmianieńniaŭ u Kanstytucyju Biełarusi ŭ adpaviednaści z patrebami času.
«Śviet imkliva źmianiajecca, my pavinny adaptavacca da źmienlivych umoŭ, kab nie tolki nie stracić zaniatyja nami nišy, ale i znajści novyja», — zajaviŭ jon 7 kastryčnika, vystupajučy na sustrečy z deputatami Pałaty pradstaŭnikoŭ i členami Savieta Respubliki Nacyjanalnaha schodu 5-ha i 6-ha sklikańniaŭ.
Na dumku Łukašenki, nadyšoŭ čas dla praviadzieńnia analizu Kanstytucyi. «Pasprabujem padyści da hetaha pytańnia z roznych bakoŭ — akuratna, kab nie zrabić horš. Źjavilisia novyja prablemy, vykliki. Dy i čas, napeŭna, patrabuje čahości novaha. I pačynać treba z hałoŭnaha, kali my advažymsia na heta. Nam treba stvaryć hrupu mudracoŭ, jurystaŭ, jakija praanalizujuć Asnoŭny zakon. I kali treba budzie, my na heta pojdziem», — skazaŭ kiraŭnik dziaržavy.
Jakija kankretna źmieny mohuć być uniesienyja ŭ Asnoŭny zakon krainy, Łukašenka nie kankretyzavaŭ.
Kamientary