TBM prosić Andrejčanku vieści ŭsie pasiadžeńni parłamienta na biełaruskaj movie
Hramadskaje abjadnańnie «Tavarystva biełaruskaj movy imia Franciška Skaryny» prosić staršyniu Pałaty pradstaŭnikoŭ Uładzimira Andrejčanku vieści ŭsie pasiadžeńni parłamienta na biełaruskaj movie. Pra heta havorycca ŭ liście, nakiravanym Andrejčanku staršynioj TBM Aleham Trusavym.
«My viedajem vas jak biełaruskaha patryjota, jaki šanuje našu movu, historyju i kulturu, — havorycca ŭ liście. — My nie sumniavajemsia, što vy padzialajecie nastupnaje vykazvańnie kiraŭnika našaj dziaržavy: «My — nacyja, a ŭ kožnaj nacyi jość svaje prykmiety. I hałoŭnaje akramia terytaryjalnaj cełasnaści i suvierennaści — heta mova». U suviazi z hetym prosim Vas vieści ŭsie pasiadžeńni deputataŭ Pałaty pradstaŭnikoŭ na dziaržaŭnaj biełaruskaj movie».
Na dumku Trusava, było b dobra, kab deputaty atrymlivali adrazu ŭsie zakonaprajekty ŭ adpaviednaści z Kanstytucyjaj na dźviuch dziaržaŭnych movach i prymali ich adnačasova.
«Takim čynam my ŭmacujem aŭtarytet našaha parłamienta, što paspryjaje pavyšeńniu jaho imidžu jak u našaj krainie, tak i za miažoj», — havorycca ŭ liście.
TBM taksama prapanuje stvaryć na Pieršym kanale Biełaruskaha telebačańnia pastajannuju prahramu «Parłamienckaja hadzina», jakuju «ź cikavaściu buduć hladzieć usie vybarščyki, kab viedać, što kankretna robiać ich abrańniki ŭ Pałacie pradstaŭnikoŭ i jak baroniać ich intaresy».
Varta adznačyć, što namieśnik staršyni TBM Alena Anisim abranaja deputatam Pałaty pradstaŭnikoŭ 6-ha sklikańnia.
Što aznačaje źjaŭleńnie vychadcaŭ ź Biełarusi ŭ rasijskim śpiecpadraździaleńni dla asabliva važnych apieracyj i tajnych zabojstvaŭ?20
Što aznačaje źjaŭleńnie vychadcaŭ ź Biełarusi ŭ rasijskim śpiecpadraździaleńni dla asabliva važnych apieracyj i tajnych zabojstvaŭ?
Za dva dni na vyratavalny ŭkoł Ksiušy z Mahilova sabrali rekordnyja $300 tysiač. Mama zdała jaje ŭ dzietdom, a čužyja ludzi bjucca za žyćcio dziciaci44
Za dva dni na vyratavalny ŭkoł Ksiušy z Mahilova sabrali rekordnyja $300 tysiač. Mama zdała jaje ŭ dzietdom, a čužyja ludzi bjucca za žyćcio dziciaci4
Vychadcy z «Alfa» KDB Biełarusi zajmajuć kiraŭničyja pasady ŭ novym rasijskim supiersakretnym śpiecpadraździaleńni, pryznačanym dla zabojstvaŭ za miažoju3333
Kamientary