ТБМ просіць Андрэйчанку весці ўсе пасяджэнні парламента на беларускай мове
Грамадскае аб'яднанне «Таварыства беларускай мовы імя Францішка Скарыны» просіць старшыню Палаты прадстаўнікоў Уладзіміра Андрэйчанку весці ўсе пасяджэнні парламента на беларускай мове. Пра гэта гаворыцца ў лісце, накіраваным Андрэйчанку старшынёй ТБМ Алегам Трусавым.
«Мы ведаем вас як беларускага патрыёта, які шануе нашу мову, гісторыю і культуру, — гаворыцца ў лісце. — Мы не сумняваемся, што вы падзяляеце наступнае выказванне кіраўніка нашай дзяржавы: «Мы — нацыя, а ў кожнай нацыі ёсць свае прыкметы. І галоўнае акрамя тэрытарыяльнай цэласнасці і суверэннасці — гэта мова». У сувязі з гэтым просім Вас весці ўсе пасяджэнні дэпутатаў Палаты прадстаўнікоў на дзяржаўнай беларускай мове».
На думку Трусава, было б добра, каб дэпутаты атрымлівалі адразу ўсе законапраекты ў адпаведнасці з Канстытуцыяй на дзвюх дзяржаўных мовах і прымалі іх адначасова.
«Такім чынам мы ўмацуем аўтарытэт нашага парламента, што паспрыяе павышэнню яго іміджу як у нашай краіне, так і за мяжой», — гаворыцца ў лісце.
ТБМ таксама прапануе стварыць на Першым канале Беларускага тэлебачання пастаянную праграму «Парламенцкая гадзіна», якую «з цікавасцю будуць глядзець усе выбаршчыкі, каб ведаць, што канкрэтна робяць іх абраннікі ў Палаце прадстаўнікоў і як бароняць іх інтарэсы».
Варта адзначыць, што намеснік старшыні ТБМ Алена Анісім абраная дэпутатам Палаты прадстаўнікоў 6-га склікання.
«Паднябеннага збіваў былы начальнік калоніі». Вось што расказваюць пра палітвязня, які загінуў за кратамі ў 36 гадоў4
Каментары