Na abviaščeńnie prysudu pryjšło kala 100 čałaviek. Siarod ich Pavieł Sieviaryniec, Źmicier Daškievič, Anton Matolka, Pavieł Juchnievič, Ihar Łosik, Słavamir Adamovič.
Palčys u kletcy i kajdankach. Na im majka Belarus Pride.
Karespandenty «NN» adznačajuć, što dahlad pierad kaibinietam nadzvyčaj strohi.
Siońnia ŭ Minskim haradskim sudzie (vulica Dunina-Marcinkieviča 1-3), abvieściać prysud pra spravie błohiera Eduarda Palčysa. Heta błohier byŭ viadomy pad svaim psieŭdanimam Džon Silvier, jon stvaryŭ sajt 1863x.com. Prakuror zapatrabavaŭ dla jaho 3,5 hoda źniavoleńnia.
Prysutničać na začytańni prysudu moža luby achvotny.
Tak supała, što Palčysu siońnia spaŭniajecca 26 hadoŭ.
Eduard Palčys abvinavačvajecca ŭ raspalvańni varožaści pa prykmiecie rasavaj, nacyjanalnaj, relihijnaj, moŭnaj ci inšaj sacyjalnaj prynaležnaści (č. 1 art. 130 KK), a taksama ŭ vyrabie i raspaŭsiudžvańni parnahrafičnych materyjałaŭ abo pradmietaŭ parnahrafičnaha charaktaru (art. 343 KK).
Pravaabaroncy ličać kryminalnuju spravu błohiera palityčnaj.
Sud nad Palčysam pačaŭsia 14 kastryčnika i prachodziŭ u zakrytym režymie. Padrabiaznaści pracesu nie ahučvalisia
U aŭtorak, 25 kastryčnika, advakat Hanna Bachcina pieradała hramadskim aktyvistam apošniaje słova E.Palčysa, jakoje apublikavaŭ Pavieł Sieviaryniec.
«U svaim apošnim słovie ja chaču raskazać sutnaść tvora Dante «Boskaja kamiedyja». Sutnaść zvodzicca da taho, što ludzi, jakija prachodziać usie koły piekła, padychodziać da apošniaj miažy, i hetaj miažoj jość strašnaja pačvara. Pačvara pieramołvaje svaimi žornami zdradnikaŭ i chłusaŭ. Usich, chto abvinavačvaje mianie ŭ tym, što ja lublu Biełaruś — ja liču zdradnikami. Usich, chto ličyć, što ja raspaŭsiudžvaŭ parnahrafiju — ja liču chłusami. Ja škaduju, što ciapier pobač sa mnoj niama majoj žonki, majoj siamji, žurnalistaŭ, jakim ja vielmi ŭdziačny. Ja ŭdziačny tym ludziam, jakija ciapier stajać na vulicy, vy čujecie ich hołas, i ja ź imi. Usio, što ja mahu skazać — ŽYVIE BIEŁARUŚ!», — napisaŭ Palčys.
Ciapier čytajuć
U Tajłandzie źnikła anlifanščyca ź Pinska. Jaje mahli pradać u Mjanmu4
Kamientary