Hłabalnyja fondavyja indeksy abrynulisia na fonie navin ab tym, što Donald Tramp lidziruje na prezidenckich vybarach u ZŠA. Inviestary raźličvali na pieramohu Klintan, paviedamlaje RBK.
Suśvietnyja fondavyja indeksy abrynulisia na tarhach u aŭtorak, 8 listapada, na fonie infarmacyi ab tym, što respublikaniec Donald Tramp lidziruje pa hałasach vybarščykaŭ, atrymanych na vybarach prezidenta ŭ ZŠA. Hazieta New York Times, jakaja ŭ pačatku padliku hałasoŭ aceńvała imaviernaść pieramohi Chiłary Klintan u 80%, źmianiła svoj prahnoz na pieramohu Trampa ź imaviernaściu ŭ 95%.
Fjučarsy na asnoŭnyja fondavyja indeksy ZŠA pa stanie na 07:20 źnizilisia ŭ miežach 3-4%, vynikaje z dadzienych pazabiržavych tarhoŭ. Dow Jones abrynuŭsia na 3,5% (na 650 punktaŭ), S&P 500 — na 4,26%, Nasdaq — na 4,1%.
Japonski Nikkei 225 upaŭ na 3,98% (na 682,88 punkta). Kitajski Shanghai Composite apuściŭsia na 1,32% (na 41,66 punkta), indeks kitajskich «błakitnych fišak» CSI300 — na 1,18% (na 39,65 punkta), hankonski Hang Seng — na 2,85% (na 646,73 punkta). Paŭdniovakarejski KOSPI apuściŭsia na 2,43% (na 48,64 punkta). Aŭstralijski ASX200 — na 1,64% (na 86,29 punkta).
Inviestary pa ŭsim śviecie raźličvali na pieramohu kandydata ad demakrataŭ — papiarednija vyniki padliku hałasoŭ apynulisia niečakanymi. Jak tłumačyŭ Reuters suzasnavalnik inviestycyjnaj kampanii Cornerstone Financial Partners Džef Kerboŭn, rynki razhladali Klintan jak bolš pradkazalnaha kandydata, u toj čas jak pieramoha Trampa niasie surjoznuju niavyznačanaść dla amierykanskaj ekanomiki, jaje źniešniaj palityki, mižnarodnaha handlu i pytańniaŭ imihracyi.
-
«Zaniapad — heta vybar». Marka Rubia ŭ Miunchienie zaklikaŭ Zachad pryznać pamyłki i abnavić suśvietny paradak
-
«Źmiena režymu nieabchodnaja, ale nie tolki tamu, što my chočam być svabodnymi». Reza Piechlevi zaklikaŭ ZŠA nanieści vajenny ŭdar pa iranskim režymie
-
Bieły dom apublikavaŭ valancinku z Hrenłandyjaj
Kamientary