Troje hramadzian Biełarusi majuć va ŭłasnaści pa 14 kvater, jašče bolš za dziesiać čałaviek — pa 13. Pra heta zajaviŭ ministr pa padatkach i zborach Siarhiej Nalivajka padčas vizitu na babrujskaje AAT «Biełaruśhumatechnika», paviedamlaje bobrlife.by.
«U nas składana nabyć žyllo. U toj ža čas jość dastatkovaja kolkaść ludziej, jakija majuć nie dźvie, a bolš kvater. Adkryju vam nievialiki sakret, jaki nie maje padatkovaj tajamnicy: u našaj krainie jość try čałavieki, u karystańni jakich pa 14 kvater, paradku 12 čałaviek majuć pa 13 kvater», — skazaŭ Nalivajka.
Ministr padkreśliŭ, što ŭ Biełarusi čałaviek, jaki pracuje, moža ciapier kupić kvateru z toj ci inšaj formaj padtrymki dziaržavy, ale pry hetym nie ŭsie mohuć dazvolić sabie žyllo z padvyšanaj kamfortnaściu. Kiraŭnik MPZ taksama ŭdakładniŭ, što ŭ apošni čas namieciłasia tendencyja: ludzi nie imknucca budavać kvatery ŭ šmatpaviarchovych damach, a zajmajucca ŭźviadzieńniem ułasnych damoŭ — u ahulnym abjomie budaŭnictva indyvidualnaha žylla dachodzić da 40%.
Ciapier čytajuć
Chto ź biełarusaŭ trapiŭ na pryjom da prezidenta Polščy ŠMAT FOTA28
Kamientary