Japonskaja palicyja prapanuje pažyłym kiroŭcam admovicca ad pravoŭ kiroŭcy, atrymaŭšy naŭzamien źnižku na abied u stałovaj. Takim čynam palicyjanty sprabujuć źnizić kolkaść darožnych avaryj, jakija adbylisia pa vinie sastarełych kiroŭcaŭ, piša VVS.
Jak paviedamlaje ahienctva Dzidzi pres, u abmien na pravy kiroŭcy zmohuć atrymać 15-pracentnuju źnižku na kompleksny abied, jaki składajecca z ramena (papularnaha supu z pšaničnaj łapšoj na miasnym abo rybnym bulonie), rysu i sałaty.
Piensijanieram, jakija vykazali žadańnie ŭziać udzieł u akcyi, u palicyi vydajuć śpiecyjalny źnižkavy siertyfikat, jaki dziejničaje ŭ 176 restaranach sietki Sugakiya u prefiektury Ajci na vostravie Chansiu.
U apošnija hady ŭ Japonii nazirajecca rost kolkaści darožna-transpartnych zdareńniaŭ z udziełam pažyłych kiroŭcaŭ, u tym liku sa śmiarotnym zychodam.
Prablema atrymała hramadski rezanans pa ŭsioj krainie. Inicyjatyva palicyi prefiektury Ajci zaklikanaja pavysić biaśpieku na darohach.
Kamientary