Były prezident Ukrainy Viktar Janukovič padčas pres-kanfierencyi zajaviŭ, što jaho hałoŭnaj pamyłkaj była admova padpisać zahad ab uviadzieńni vajennaha stanovišča va Ukrainie. Pra heta piša VVS.
«Ja sapraŭdy ździejśniŭ šerah pamyłak. Ja nie śviaty. Samaja hałoŭnaja pamyłka, jakuju ja zrabiŭ, — ja nie zmoh, nie znajšoŭ u sabie sił u toj čas padpisać zahad ab uviadzieńni vojskaŭ, vajennaha stanovišča va Ukrainie. Heta byŭ adziny sposab spynić radykałaŭ, ja nie pajšoŭ na krovapralićcie», — zajaviŭ na pres-kanfierencyi ŭ Rastovie-na-Donie Janukovič, jaki źbieh z Ukrainy paśla padziej na Majdanie i znajšoŭ prytułak u Rasii.
Adnak jon zajaviŭ, što kali b možna było viarnucca ŭ toj čas, jon by ŭsio roŭna nie zmoh padpisać dakumient. Pavodle jaho słoŭ, Ukraina tady była mocna padzielenaja, a padpisańnie zahadu mahło b pryvieści da hramadzianskaj vajny.
Janukovič taksama paviedamiŭ, što padtrymlivaje terytaryjalnuju cełasnaść Ukrainy. Pa jaho dumku, dla taho, kab zachavać cełasnaść krainy, treba dać Danbasu šyrokuju aŭtanomiju, a taksama pravieści amnistyju.
«Ja maru, kab jak maha chutčej skončyłasia va Ukrainie vajna, na majoj radzimie, u Danbasie, kab pierastali hinuć ludzi. Kab Danbas potym uvaskros z hetych ruin, u jakija jaho pryviała vajna», — zajaviŭ Janukovič.
Janukovič taksama abvinavaciŭ ukrainskija ŭłady ŭ niežadańni iści na pieramovy z paŭstancami na Danbasie.
«Dobra, što Krym adździaliŭsia ad Ukrainy ci nie? Nie, nie dobra. Ja liču, što heta drenna», — skazaŭ Janukovič.
«Toje, što krymski narod prahałasavaŭ, — heta vynik pravakacyj Majdana», — zajaviŭ jon.
Ciapier čytajuć
Babaryka try chviliny adkazvaŭ na pytańnie, čyj Krym. Tak i nie adkazaŭ50
Kamientary