Pavodle jahonych słovaŭ, nichto nie pamior, taksama nie było adarvanych kaniečnaściej.
Hałoŭny ŭrač Minskaj haradskoj kliničnaj balnicy chutkaj miedycynskaj dapamohi Viktar Sirenka abvierh čutki ab śmierci adnaho ź paciarpiełych u vyniku vybuchu ŭ stalicy ŭ noč na 4 lipienia. Pavodle jaho słoŭ, u paciarpiełych taksama nie było adarvanych kaniečnaściej.
Na siońnia ŭ klinicy znachodziacca čatyry paciarpiełyja ad vybuchu. Stan adnaho ź ich "ciažki, ale stabilny". Heta chłopiec 18 hadoŭ, jaki pastupiŭ u balnicu z pranikajučym ranieńniem brušnoj połaści.
Uzrost astatnich troch chvorych — ad 18 da 24 hadoŭ. Pavodle słoŭ V.Sirenki, jany pastupili z "minna-vybuchovymi traŭmami", u asnoŭnym nižnich kaniečnaściej. Ich stan zdavalniajučy. Adzin ź ich rychtujecca da vypiski.
Taksama hałoŭny ŭrač paviedamiŭ, što siońnia praciahvajecca praca kansiliuma Ministerstva achovy zdaroŭja, śpiecyjalisty jakoha ahladajuć paciarpiełych u minskich klinikach i pry nieabchodnaści pryznačajuć im lačeńnie.
Pavodle jaho słoŭ, asnoŭnaja častka paciarpiełych była adpraŭlena ŭ 6-ju haradskuju kliničnuju balnicu, u Respublikanski navukova-praktyčny centr traŭmatałohii i artapiedyi i 2-ju kliniku. Śpiecyjalizavanaja mieddapamoha ŭsim paciarpiełym, paviedamiŭ hałoŭny ŭrač, była akazana na praciahu hadziny paśla vybuchu.
Nahadajem, vybuch prahrymieŭ na pierasiačeńni praśpiektaŭ Mašerava i Pieramožcaŭ kala hadziny nočy padčas śviatočnaha hała-kancerta kala steły "Minsk — horad-hieroj". Na kancercie, pavodle aficyjnych źviestak, prysutničali kala paŭmiljona čałaviek. Tam ža znachodziŭsia prezident Alaksandr Łukašenka, jaki adrazu paśla vybuchu naviedaŭ miesca zdareńnia i daŭ pieršyja ŭkazańni pa rasśledavańni złačynstva. Niahledziačy na nadzvyčajnaje zdareńnie, kancert praciahvaŭsia.
U vyniku vybuchu pa miedycynskuju dapamohu, pavodle źviestak Ministerstva achovy zdaroŭja, źviarnulisia 54 čałavieki. Usie paciarpiełyja byli evakujavany ź miesca zdareńnia na praciahu 20 chvilin. Dla akazańnia pieršaj miedycynskaj dapamohi byli zadziejničany 18 bryhad chutkaj dapamohi. Usiaho špitalizavana 47 čałaviek, u tym liku dvoje dziaciej.
Vialikaja hutarka ź Lesiaj Rudnik pra seksizm, muža-reślera, zarobak doktarki navuk u Šviecyi, apazicyju i pamyłku Jeŭrasajuza19
Kamientary