«Bałotam, jakoje treba pieraadolvać», nazvała Pałatu pradstaŭnikoŭ deputat parłamienta, aktyvistka Abjadnanaj hramadzianskaj partyi (AHP) Hanna Kanapackaja na sustrečy z demakratyčnymi aktyvistami 3 śniežnia ŭ Mahilovie.
«Ja pabyła tam užo znutry i baču, jakoje tam bałota, i baču ŭsiu hetuju kuchniu, i toje, što pa bolšaści pytańniaŭ adzin hołas suprać, i ja viedaju, čyj jon, i ŭsie viedajuć, čyj jon. Vy viedajecie, stanovicca časam strašna, tamu što heta bałota treba niejak pieraadolvać. I ja tut adna nie ŭ stanie zrabić pry ŭsim žadańni, pry ŭsich mahčymaściach. Davajcie rabić razam», — zaklikała Kanapackaja ŭdzielnikaŭ sustrečy.
Deputat ad apazicyi zapeŭniła, što na jaje «bałota» nijak nie paŭpłyvała. «Ja viedaju, što zastałasia na svaich pryncypovych pazicyjach. Navat zychodziačy ź niejkich elemientarnych rečaŭ… kali mnie kažuć: Hanna Anatoljeŭna, a što heta vy nie nosicie deputacki značok? Heta — maja pazycyja. Ja adziny deputat, u jakoha nie visić partret [Łukašenki] na ścianie», — adznačyła Kanapackaja.
Na sustrečy havaryłasia pra nieabchodnaść źmieny vybarčaha zakanadaŭstva dla praviadzieńnia sumlennych vybaraŭ, u pryvatnaści abaviazkovaha ŭklučeńnia ŭ skład kamisij pradstaŭnikoŭ apazicyi.
Staršynia AHP Anatol Labiedźka paviedamiŭ prysutnym ab stvareńni rabočaj hrupy ź liku aktyvistaŭ apazicyi, jakaja rychtuje źmieny ŭ Vybarčy kodeks. Hrupu ŭznačaliła pamočnik Kanapackaj Antanina Kavalova. Labiedźka zaklikaŭ padłučacca da hetaj pracy i prajaŭlać inicyjatyvu na miescach.
Ciapier čytajuć
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda11
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda1
«Vajna ŭsio śpiša». Biełaruskim udzielnikam hiej-prajda ŭ Vilni pahražali raspravaj ad imia biełaruskich vajaroŭ za vykarystańnie bieła-čyrvona-biełaha ściaha219219
Kamientary