Karatkievič zastupiłasia za adeptaŭ «ruskaha śvietu»: Ułada aryštoŭvaje ludziej za vykazvańnie svajoj pazicyi
Eks-kandydat u prezidenty Biełarusi Taćciana Karatkievič prakamientavała aryšt aŭtaraŭ «Rehnuma» Juryja Paŭłaŭca i Dźmitryja Alimkina, jakich abvinavačvajuć u raspalvańni mižnacyjalnaj varožaści.
«Aryšt hetych publicystaŭ, viadoma, staŭ vielmi niepryjemnaj navinoj. Juryja Paŭłaŭca ja viedaju asabista, dla mianie heta čałaviek, jaki na roznych placoŭkach prosta vykazvaŭ svajo mierkavańnie, usiaho tolki sprabavaŭ razvažać usłych. Ja liču, što vielmi niapravilna, kali ŭłada aryštoŭvaje ludziej za toje, što jany dumajuć ŭsłych, vykazvajuć svaju pazicyju. Liču heta, viadoma, niekarektnym», — skazała Karatkievič impierskamu partału eadaily.
Pry hetym Taćciana Karatkievič adznačyła, što nie padzialaje pohladaŭ hetych aŭtaraŭ: «Jość fakty historyi, jakija niemahčyma prymianšać. Jość takaja kraina, jak Biełaruś. U jaje sapraŭdy składanaja historyja. I pierakručvać jaje nie treba. Ja liču, što korań prablemy moža być nie ŭ tym, što heta aŭtary, jakija pišuć dla rasijskich ŚMI i prapahandujuć prarasijskija pohlady. Treba dačakacca aficyjnych abvinavačvańniaŭ. Ale, pa vialikim rachunku, heta ŭsiaho tolki mierkavańnie aŭtaraŭ. Dosyć rezkaje i hrubaje, ale pakul što ŭsio toje, što ja bačyła, znachodzicca ŭ ramkach paniaćciaŭ pra svabodu słova, pravoŭ na vykazvańni i acenki, choć, viadoma, vielmi dyskusijnyja», — zajaviła jana.
-
U čym roźnica pamiž Trampam u Iranie i Pucinym va Ukrainie
-
Režym Łukašenki časova stanie mienš ahresiŭnym da susiedziaŭ, ale stratehična budzie imknucca da avałodańnia atamnaj zbrojaj
-
«Znajšli krajniaha», a «pastaviać sałdafona jakoha-niebudź». U sacsietkach adreahavali na zvalnieńnie kiraŭnika «Minsktransa»
Kamientary