Libieralna-demakratyčnaja partyja (ŁDP) Biełarusi pačynaje pracu nad zakonam ab biełaruskaj nacyi. Pra heta paviedamiŭ pieršy namieśnik staršyni ŁDP Aleh Hajdukievič, kamientujučy situacyju vakoł polskaha telekanała «Biełsat», jaki viaščaje na Biełaruś.
Pra toje, što MZS Polščy maje namier skaracić na dźvie traciny finansavańnie «Biełsata», i pra mahčymy pieravod telekanała na ruskamoŭnaje viaščańnie stała viadoma 15 śniežnia ad dyrektara «Biełsata» Ahnieški Ramašeŭskaj-Huzy. Navina vyklikała šyroki hramadski rezanans u Biełarusi. Pradstaŭniki demsił abviaścili pra šyrokuju kampaniju ŭ padtrymku «Biełsata».
«My pierakananyja, čym bolš kanałaŭ tranślujucca na terytoryi Respubliki Biełaruś, tym lepš dla krainy, — havorycca ŭ kamientary Aleha Hajdukieviča, raspaŭsiudžanym pres-słužbaj ŁDP. — Ale ja b chacieŭ pahladzieć na hetuju situacyju ź inšaha boku. Značna važniejšy nie los telekanała, a los tych žurnalistaŭ — hramadzian našaj krainy, jakija pracujuć tam».
«Samaje hałoŭnaje — heta stvaryć u krainie takija ŭmovy, kab kožny žurnalist byŭ zapatrabavany i moh realizavać siabie ŭ svajoj krainie, majučy hodnyja ŭmovy apłaty i pracy. Niezaležna ad svaich pohladaŭ i pierakanańniaŭ. Heta i jość demakratyja», — padkreśliŭ pieršy namieśnik staršyni ŁDP.
Kamientujučy płany pradstaŭnikoŭ apazicyi pravieści 20 śniežnia kala Administracyi prezidenta ŭ Minsku akcyju ŭ padtrymku «Biełsata», Aleh Hajdukievič zajaviŭ: «Čamu niama mazhoŭ? Čamu treba začyniać adzin kanał i padtrymlivać inšy, čamu nie skazać: čym bolš kanałaŭ, tym lepš? My pavinny vystupać za raźvićcio telebačańnia, radyjo, internet-resursaŭ».
«My pavinny padtrymlivać usio biełaruskaje — telebačańnie, pramysłovaść, pradukcyju, našych ludziej. My pavinny havaryć pra biełaruskuju nacyju niezaležna ad palityčnych pohladaŭ, pierakanańniaŭ i vieravyznańnia. I voś tamu ŭ tym liku Libieralna-demakratyčnaja partyja Biełarusi pačynaje pracu nad zakonam ab biełaruskaj nacyi, jaki my budziem prapanoŭvać vierchniaj i nižniaj pałatam parłamienta. Ale pra heta krychu paźniej», — paviedamiŭ Hajdukievič.
Ciapier čytajuć
«Heta ryzykoŭna dla Biełarusi». Zialenski zajaviŭ, što Rasija raźmiaščaje abstalavańnie dla naviadzieńnia šachiedaŭ na dachach biełaruskich šmatpaviarchovikaŭ2020
«Heta ryzykoŭna dla Biełarusi». Zialenski zajaviŭ, što Rasija raźmiaščaje abstalavańnie dla naviadzieńnia šachiedaŭ na dachach biełaruskich šmatpaviarchovikaŭ20
«Hienierał Biada vylecieŭ praz bakavoje škło «Čajki». Małaviadomaja avaryja 1976 hoda, u jakoj zahinuli druhi čałaviek u BSSR i bajavy lotčyk-hienierał44
Kamientary