Minkult adkazaŭ na zvarot z 10 tysiačami podpisaŭ za pryznańnie bieł-čyrvona-biełaha ściaha histaryčnaj kaštoŭnaściu
Ministerstva kultury adkazała na zvarot Zmitra Daškieviča za nadańnie bieł-čyrvona-biełamu ściahu statusu niemateryjalnaj historyka-kulturnaj kaštoŭnasci. U padtrymku hetaj inicyjatyvy aktyvisty sabrali kala 10500 podpisaŭ.
U adkazie za podpisam namieśnika ministra kultury Alesia Jacko havorycca, što «ŭ pradstaŭlenaj u Ministerstva kultury prapanovie nie ŭtrymlivajecca dakumientalnaha jaje abhruntavańnia i poŭnaj, dakładnaj i jakasnaj fiksacyi hrafičnymi srodkami elemienta, jakomu prapanujecca nadać status historyka-kulturnaj kaštoŭnaści. Pryviedzienyja asobnyja fakty nie padmacavanyja dakumientalnymi krynicami, što nie dazvalaje pryniać ich u jakaści abhruntavańnia nieabchodnaści nadańnia statusu niemateryjalnaj historyka-kulturnaj kaštoŭnaści prapanavanamu elemientu».
U liście taksama adznačajecca, što prapanovu nakiravali ŭ Nacyjanalnuju akademiju navuk Biełarusi, jakoj dla padrychtoŭki jaje navukovaha abhruntavańnia «nieabchodna pravieści hruntoŭnaje navukovaje daśledavańnie z metaj vyjaŭleńnia aryhinalnych archiŭnych dakumientaŭ i materyjałaŭ, što patrabuje praciahłaj pracy vučonych i adpaviednych finansavych vydatkaŭ. Pa źviestkach pradstaŭnikoŭ akademii vykanańnie hetaj raboty budzie ažyćciaŭlacca z ulikam vydatkavańnia srodkaŭ na navukovyja daśledavańni ŭ novym finansavym hodzie».
«Vychodzić, što ja pavinien padniać z archivaŭ dakumientalnuju fiksacyju ściaha, jaki z 1991 pa 1995 hod byŭ dziaržaŭnym? Ci heta pavinien zrabić Minkult?» — aburajecca Daškievič. — I cikava, im samim nie śmiešna? Dla taho, kab znajści fota Łukašenki, dzie jon prysiahaŭ pad bieł-čyrvona-biełym ściaham, akademikam treba pravieści «hruntoŭnaje navukovaje daśledavańnie»».
Adnak aktyvist bačyć i stanoŭčy momant, usio ž daśledavańnie płanujuć pravieści.
U Minkult padali 10500 podpisaŭ za pryznańnie B-Č-B ściaha histaryčnaj kaštoŭnaściu
Pamierła palitźniavolenaja Alena Pankova. Paŭhoda nazad jaje asudzili za ŭdzieł u pratestach7
Kamientary