Zatrymany dyrektar vizavaha centra (vizacenter.by) za nielehalnyja pasłuhi pa padrychtoŭcy dakumientaŭ dla šenhienskich vizaŭ.
Ofis kampanii raźmiaščaŭsia pa adrasie vuł. Kamsamolskaja, 18 i pracavaŭ z 2013 hoda. Pavodle infarmacyi HUBAZ, firma akazvała nielehalnyja pasłuhi pa padrychtoŭcy dakumientaŭ dla šenhienskich vizaŭ.
Pracavała schiema dosyć doŭhi čas — z 2013 hoda. Kampanii było ŭsio roŭna, ci maje čałaviek prava naviedvać Jeŭropu. Usie nieabchodnyja dakumienty supracoŭniki źbirali sami. Niezakonna vykarystoŭvali piačatki roznych bankaŭ abo firmaŭ. Paviedamlajecca, što pasłuhami turfirmy karystalisia ŭ tym liku i arhanizatary kanałaŭ niezakonnaj mihracyi.
Jak paviedamlaje tvr.by, pry vobšuku ŭ złamyśnikaŭ znojdziena i kanfiskavana bolš za 300 tysiač dołaraŭ, amal sto padroblenych piačatak, kliše i daviedak. Na dadzieny momant dźviery centra apiačatanyja.
Pavodle infarmacyi apieratyŭnikaŭ, siarod klijentaŭ časta sustrakalisia i vychadcy z krain z pavyšanaj terarystyčnaj aktyŭnaściu. Dakładnaja kolkaść čałaviek, jakim udałosia atrymać vizu pa padroblenych dakumientach, vyśviatlajecca.
Na sajcie kampanii, jaki, darečy, nie zabłakavany, napisana: «Šenhienskaja viza za 1 dzień! Ranicaj pašpart nam addaŭ — uviečary ź vizaj nazad zabraŭ».
Šmatrazovuju vizu ŭ čysty pašpart firma abiacała ŭsiaho za try dni. Kali vieryć sajtu, aceńvaŭ svaje mahčymaści vizavy centr davoli ścipła — usiaho 15 u.a. za pasłuhu.
Babaryka raskazaŭ, čamu pierad vybarami nie šukaŭ padtrymki ŭ Rasii. I jak jaho chacieli zvolnić ź Biełhazprambanka za łozunh «Žyvie Biełaruś!»32
Babaryka raskazaŭ, čamu pierad vybarami nie šukaŭ padtrymki ŭ Rasii. I jak jaho chacieli zvolnić ź Biełhazprambanka za łozunh «Žyvie Biełaruś!»
Maksim Znak pra pres-kanfierencyju va Ukrainie: My damovilisia nie ŭzdymać najbolš balučyja temy — katavańniaŭ, sankcyj, vajny. Moža, musili my pa-inšamu zrabić1010
Kamientary