Pres-sakratar Kramla Dźmitryj Piaskoŭ nazvaŭ vykananym na amatarskim uzroŭni dakład amierykanskich śpiecsłužbaŭ, u jakim jany abvinavacili Rasiju i jaje palityčnaje kiraŭnictva ŭ arhanizacyi chakierskich napadaŭ padčas vybaraŭ u ZŠA, piša VVS.
Pa słovach Piaskova, častka dakładu, dastupnaja šyrokaj publicy, nie vyklikała ŭ Kramli ničoha akramia rasčaravańnia, bo ŭ spravazdačy, pa jaho dumku, nie było ničoha, hodnaha detalovaha vyvučeńnia.
«Abvinavačvańni hučać na davoli amatarskim emacyjnym uzroŭni, jaki naŭrad ci, napeŭna, vykarystoŭvajecca i ŭ dačynieńni da vysokaprafiesijnaj pracy vysakakłasnych śpiecsłužbaŭ», — zajaviŭ Piaskoŭ, kamientujučy apublikavanuju častku dakładu.
Pres-sakratar Kramla nazvaŭ abvinavačvańni, jakija hučać u dakładzie, hałasłoŭnymi i ŭ čarhovy raz adprečyŭ abvinavačvańni ŭ datyčnaści Rasii da chakierskich napadaŭ. Piaskoŭ dadaŭ, što Kreml užo surjozna stamiŭsia ad hetych abvinavačvańniaŭ.
Spravazdača, padrychtavanaja sumiesna supracoŭnikami ANB, FBR i CRU, była 6 studzienia pradstaŭlenaja abranamu prezidentu Donaldu Trampu padčas jaho sustrečy z kiraŭnictvam amierykanskich śpiecsłužbaŭ, a nieŭzabavie paśla hetaha častkova apublikavanaja.
-
Zialenski: Tańniej nie dać Rasii vyrablać rakiety, čym ratavać enierhasistemu Ukrainy
-
«DNŽ — heta pryvilej, a nie prava». Novaja kiraŭnica Departamienta mihracyi Litvy adkazała na pytańni, aktualnyja i dla biełarusaŭ
-
Zialenski ŭ Davosie: Kali b Jeŭropa dapamahła biełaruskamu narodu ŭ 2020 hodzie, to ŭ Biełarusi siońnia nie było b «Arešnika»
Kamientary