Pad składanaj žyćciovaj situacyjaj dla vyzvaleńnia ad vypłaty padatku na darmajedstva nie budzie razumiecca majomasnaje stanovišča hramadzianina. Pra heta 13 studzienia na bryfinhu ŭ pres-centry BiełTA zajaviŭ načalnik hałoŭnaha ŭpraŭleńnia padatkaabkładańnia fizičnych asob MPZ Michaił Rasolka.
Jak paviedamlałasia, dekretam № 1 ad 12 studzienia ŭniesieny źmieny ŭ dekret № 3 «Ab papiaredžańni sacyjalnaha ŭtrymanstva». Adnym z takich źjaŭlajecca prava miascovych savietaŭ deputataŭ abo pa ich daručeńni miascovych vykankamaŭ vyzvalać hramadzian ad vypłaty zboru ŭ suviazi sa znachodžańniem ŭ ciažkaj žyćciovaj situacyi.
«Dekret havoryć pra toje, što takaja lhota budzie davacca pry najaŭnaści ciažkaj žyćciovaj situacyi, jakaja nie zaležyć ad majomasnaha stanovišča. Pry najaŭnaści aŭtamabila ŭ čałavieka jakoje majomasnaje stanovišča — dastatkovaje ci nie? Tamu tut niama pryviazki. Ciažkaja situacyja moža paŭstać i ŭ čałavieka dastatkova zabiaśpiečanaha», — zajaviŭ Rasolka.
Jon adznačyŭ, što ŭ ministerstva i raniej źviartalisia ludzi, jakija paviedamlajuć ab niemahčymaści zapłacić padatak na darmajedstva z-za žyćciovych prablem, i MPZ raiła im iści z hetym pytańniem u miascovyja saviety deputataŭ.
«Pad ciažkaj žyćciovaj situacyjaj dla metaŭ dekreta my razumiejem situacyju, kali byli sapraŭdy abjektyŭnyja akaličnaści abo sukupnaść akaličnaściaŭ, jakija nie zaležać ad hramadzianina i jakija jon nie moh pieraadoleć za košt najaŭnych mahčymaściaŭ», — skazała načalnik upraŭleńnia kompleksnaha analizu Minpracy i sacabarony Taćciana Juškievič.
Pavodle jaje słoŭ, u ministerstvie razumiejuć, što ŭźnikaje šmat žyćciovych situacyj, jakija pradbačyć i farmalizavać ŭ vyhladzie niejkich normaŭ u dekrecie «sapraŭdy, napeŭna, niemahčyma». «I tamu ličym, što taki abjektyŭny razhlad dazvolić vyzvalić hramadzian ad vypłaty zboru ŭ tym liku i za 2015 hod», — zajaviła jana.
-
Babaryka: Da svajho vyzvaleńnia ja ŭvohule nie bačyŭ Ivana Kraŭcova. Nie viedaju, što jon rabiŭ
-
Vyzvaliŭsia adzin z pačynalnikaŭ biełaruskamoŭnaha ŽŽ Ivan Marozaŭ — heta byŭ jaho druhi palityčny termin
-
Rekordnymi tempami idzie zbor na ŭkoł dla Ksiušy z mahiloŭskaha dzietdoma, ad jakoj admoviłasia mama — jašče plus $190 tysiač za dzień
Ciapier čytajuć
Babaryka: Nie mohuć zdymacca sankcyi z pradpryjemstvaŭ i ludziej, zadziejničanych u vajnie. Vypuścicie palitviaźniaŭ canoj zabojstva ŭkraincaŭ?36
Babaryka: Nie mohuć zdymacca sankcyi z pradpryjemstvaŭ i ludziej, zadziejničanych u vajnie. Vypuścicie palitviaźniaŭ canoj zabojstva ŭkraincaŭ?
Maksim Znak pra pres-kanfierencyju va Ukrainie: My damovilisia nie ŭzdymać najbolš balučyja temy — katavańniaŭ, sankcyj, vajny. Moža, musili my pa-inšamu zrabić88
Maksim Znak pra pres-kanfierencyju va Ukrainie: My damovilisia nie ŭzdymać najbolš balučyja temy — katavańniaŭ, sankcyj, vajny. Moža, musili my pa-inšamu zrabić8
Za dva dni na vyratavalny ŭkoł Ksiušy z Mahilova sabrali rekordnyja $300 tysiač. Mama zdała jaje ŭ dzietdom, a čužyja ludzi bjucca za žyćcio dziciaci55
Kamientary