Urad pastanovaj №18 ad 12 studzienia 2017 hoda zaćvierdziŭ kompleks mier pa realizacyi Prahramy sacyjalna-ekanamičnaha raźvićcia Biełarusi na 2016—2020 hady, jakuju prezident zaćvierdziŭ u kancy minułaha hoda. Siarod raśpisanych 380 mierapryjemstvaŭ jość daŭno čakanyja i całkam revalucyjnyja.
U pryvatnaści, u častcy ŭdaskanaleńnia hrašova-kredytnaj i valutnaj palityki ŭ Biełarusi paćvierdzili hatoŭnaść źniać abmiežavańni na adkryćcio rachunkaŭ u zamiežnych bankach (termin vykanańnia — 2017—2019 hady) i admianić abaviazkovy prodaž valutnaj vyručki (całkam — u 2018-m hodzie).
Akramia taho, užo ŭ hetym hodzie płanujecca vyrašyć adkładzienaje hod tamu pytańnie i zrabić Nacbank, narešcie, mieharehulataram finansavaha rynku.
Taksama ŭžo ŭ hetym hodzie płanujecca admianić pieravažnaje prava vykankamaŭ na nabyćcio akcyj haspadarčych tavarystvaŭ, jakoje vyklikaje šmat pretenzij inviestaraŭ. U apošnija hady heta prava dazvoliła dziaržavie zakupicca pakietami akcyj šmatlikich znakavych pradpryjemstvaŭ.
Urad maje namier vyrašyć jašče adnu časta krytykavanuju prablemu, zakanadaŭča zamacavaŭšy niezvarotnaść pryvatyzacyi dziaržmajomaści, skaraciŭšy termin iskavaj daŭnaści pa pryvatyzacyjnych ździełkach da troch hadoŭ (2017-y hod).
Z čakanych biźniesam naveł možna źviarnuć uvahu na zapłanavanaje ŭžo na 2018 hod ŭviadzieńnie instytuta «padatkovych depazitaŭ», jakija stymulujuć vyvad dachodaŭ i kapitału ź cieniu i jakoje źnižaje ryzyki biznesu.
Dakumientam taksama praduhledžana padrychtoŭka prapanoŭ ab dekryminalizacyi ekanamičnych ryzyk subjektaŭ haspadarańnia.
Asobnyja błoki mier u prahramie datyčacca aptymizacyi padatkovaj nahruzki, u tym liku razmova idzie pra maratoryj na pavyšeńnie padatkovych stavak i ŭviadzieńnie novych padatkaŭ, zboraŭ i pošlin, «za vyklučeńniem vypadkaŭ, kali adpaviednyja abaviazki Respubliki Biełaruś praduhledžany mižnarodnymi damovami», i indeksacyi padatkovych stavak, ustanoŭlenych u biełaruskich rublach, na ŭzrovień inflacyi.
Urad taksama maje namier zaniacca finansavym azdaraŭleńniem realnaha siektara ekanomiki. U pryvatnaści, havorka idzie ab stvareńni sistemy acenki fiskalnych ryzyk dziaržaŭnych pradpryjemstvaŭ, u tym liku pierahladzie ŭmoŭ pradastaŭleńnia ŭnutranych harantyj dla minimizacyi ryzyk nievykanańnia pazyčalnikami svaich abaviazacielstvaŭ i nastupu harantyjnych vypadkaŭ.
Biełaruś taksama hatova zamachnucca na pryciahnieńnie viadučych suśvietnych kampanij (zajaŭlenaja płanka — kapitalizacyja bolš za 1 młrd dalaraŭ) dla realizacyi prajektaŭ z vysokaj dadadzienaj vartaściu.
Asobnyja błoki prahramy raśpisvajuć miery pa raźniavoleńni dziełavoj inicyjatyvy i farmiravańni spryjalnych umoŭ dla viadzieńnia biźniesu, u tym liku — małoha. Havorka idzie, da prykładu, pra aptymizacyju finansavych sankcyj, jakija ŭžyvajucca za niaznačnyja parušeńni, pašyreńnie praktyki vyniasieńnia papiaredžańniaŭ zamiest nakładańnia štrafaŭ pry pryciahnieńni subjektaŭ haspadarańnia da administracyjnaj adkaznaści ŭpieršyniu.
Dakumientam taksama anansavanaja «vypracoŭka miechanizmaŭ dyfierencyravanaha prymianieńnia štrafnych sankcyj u miežach, praduhledžanych zakanadaŭstvam, u zaležnaści ad stupieni viny i ŭzroŭniu dachodu subjektaŭ haspadarańnia».
Pamierła palitźniavolenaja Alena Pankova. Paŭhoda nazad jaje asudzili za ŭdzieł u pratestach7
Kamientary