Upraŭleńniem Śledčaha kamiteta pa Minskaj vobłaści zavieršana rasśledavańnie kryminalnaj spravy ŭ dačynieńni da 28-hadovaj žycharki Minskaha rajona, jakaja abvinavačvajecca ŭ zamachu na zabojstva svajho novanarodžanaha dziciaci, paviedamlaje pres-słužba Śledčaha kamiteta.
Rasśledavańniem ustanoŭlena, što viečaram 19 vieraśnia ŭ Mačuliščach 28-hadovaja žančyna ŭ kvatery naradziła dzicia. Zatym jana naŭmysna vykinuła jaho ŭ śmiećciepravod ź siomaha paviercha. Niemaŭla svoječasova było znojdzieny žycharami doma ŭ mietaličnym kantejniery i špitalizavana z roznymi cialesnymi paškodžańniami.
Pavodle zaklučeńnia stacyjanarnaj kompleksnaj psichołaha-psichijatryčnaj ekśpiertyzy abvinavačanaja ŭ pieryjad, jaki adnosicca da inkryminavanych joj dziejańniaŭ, chraničnym psichičnym zachvorvańniem nie pakutavała, u stanie pavyšanaj emacyjnaj napružanaści, vyklikanaj psichatraŭmujučaj situacyjaj, źviazanaj z rodami, nie znachodziłasia.
Ekśpiertami ŭstanoŭlena, što padślednaja ŭśviedamlała faktyčny charaktar, hramadskuju niebiaśpieku svaich dziejańniaŭ i mahła kiravać imi.
Na padstavie sabranych śledstvam dokazaŭ dziejańni abvinavačanaj kvalifikavanyja śledstvam jak zamach na zabojstva zaviedama małaletniaha, jaki znachodzicca ŭ biezdapamožnym stanie, ździejśnienaha z asablivaj žorstkaściu (č.1 art.14, p.2,6 č.2 art.139 Kryminalnaha kodeksa Respubliki Biełaruś). Abvinavačanaja znachodzicca pad vartaj.
Kryminalnaja sprava pieradadziena ŭ prakuraturu.
«Jana nie vyhladała ščyraj, była ŭ mascy». Paŭlučenka pra sustreču Kaleśnikavaj ź biełaruskimi žurnalistami12
Kamientary