U Salihorsku va ŭłasnym domie znojdzieny miortvym baksior Vital Škraba.
U Salihorsku va ŭłasnym domie z nažom u hrudziach 17 lipienia znojdzieny miortvym 38-hadovy baksior Vital Škraba.
Jak paviedamlaje interniet-resurs fightclub.by, cieła spartsmiena znajšła jaho maci. Śledčyja ličać, što jon skončyŭ žyćcio samahubstvam. Pra heta, na dumku milicyjanieraŭ, moža śviedčyć charaktar ranieńnia (nož uvajšoŭ u cieła źnizu ŭvierch) i toj fakt, što dźviery ŭ pakoj zahinułaha byli zamknionyja znutry.
"Ja ŭ šoku ad taho, što zdaryłasia. Što mahło jaho padšturchnuć da hetaha, ciažka ŭjavić", — zajaviŭ fightclub.by staršynia Biełaruskaj asacyjacyi prafiesijnaha boksu (BAPB) Eduard Duboŭski.
Kiraŭnik BAPB paviedamiŭ, što Vital Škraba pačaŭ prafiesijnuju karjeru ŭ 1997 hodzie. U rejtynhu baksioraŭ ź Biełarusi ŭ supierciažkaj vazie jon zajmaŭ treciaje miesca.
Kamientary