Ministerstva nacyjanalnaj biaśpieki ZŠA zajaviła, što padparadkujecca rasparadžeńniu suda, što časova zabaraniaje vysyłku z ZŠA imihrantaŭ ź siami musulmanskich krain, adnak ukaz prezidenta Trampa, jaki zabaraniaje im ŭjezd u krainu, zastajecca ŭ sile.
Ukaz tyčycca hramadzian Iraka, Irana, Jemiena, Livii, Siryi, Samali i Sudana.
U subotu fiederalny akruhovy sud u Ńju-Jorku nakłaŭ časovuju zabaronu na vysyłku mihrantaŭ z hetych krain ź dziejučymi amierykanskimi vizami z aeraportaŭ ZŠA, niahledziačy na adpaviednaje rasparadžeńnie prezidenta Donalda Trampa, arhumientujučy heta tym, što ŭkaz parušaje ich zakonnyja pravy.
«Rasparadžeńni prezidenta Tramp zastajucca ŭ sile — zabarona na pieramiaščeńnie zastajecca zabaronaj, a amierykanski ŭrad pakidaje za saboj prava adklikać vizy ŭ luby čas, kali heta spatrebicca pa mierkavańniach nacyjanalnaj biaśpieki abo biaśpieki hramadzian», - havorycca na vebsajcie ministerstva.
«Uradavaje rasparadžeńnie prezidenta Trampa zakranaje tolki nievialikuju častku zamiežnych turystaŭ i źjaŭlajecca pieršym krokam na šlachu adnaŭleńnia kantrolu nad amierykanskimi miežami i nacyjanalnaj biaśpiekaj», — adznačajecca ŭ zajavie.
Ciapier čytajuć
Na svoj dzień naradžeńnia Zialenski z Naŭrockim, Naŭsiedam i Cichanoŭskaj u Vilni ŭšanuje pamiać Kastusia Kalinoŭskaha5
Kamientary