Śpiavačka Saša Sałaviejčyk śćviardžaje, što ŭ minskim kłubie «Bahiema» jaje źbiŭ kazachstaniec
Biełaruskaja śpiavačka i videabłohierka Saša Sałaviejčyk raskazała ŭ svaim instahramie pra incydent, što zdaryŭsia ź joj u minskim kłubie.
12 ctudzienia ŭ minskim karaokie-kłubie «Bahiema» Saša razam sa svaimi pryjacielami nie zmahli trapić unutr. Ź jaje słoŭ, u jaje zdaryŭsia kanflikt z adnym z naviednikaŭ. Razmova skaciłasia na abrazy pa nacyjanalnaj prykmiecie. Dajšło da ŭdaraŭ.
U vyniku dziaŭčyna atrymała kułakom u voka.
Dziaŭčyna śćviardžaje, što achoŭniki «Bahiemy» nijak nie adreahavali na situacyju, a jašče i dadali dziaŭčynu ŭ čorny śpis kłuba.
U kłubie «Bahiema» zajavili «NN», što pakul nie mohuć ničoha kamientavać, pakolki viadziecca pravierka.
Administracyja kłuba prahladaje kamiery nazirańnia i aceńvaje reakcyju achovy kłuba na situacyju, bo ŭ dopisie śpiavački ŭkazana, što achoŭniki nie pradprymali nijakich dziejańniaŭ, kab vyrašyć kanflikt.
Aficyjny pradstaŭnik Centralnaha RUUS Minska Taćciana Aboznaja paviedamiła žurnalistu «NN», što pa fakcie incydenta pravodzicca pravierka.
Saša Sałaviejčyk — biełaruskaja śpiavačka i błohierka. U 2003 hodzie pieramahła na dziciačym «Słavianskim bazary», dvojčy prymała udzieł u nacyjanalnym adbory na Jeŭrabačańnie, udzielničała ŭ rasijskim telešou «Hołas». Apošnija hady zajmałasia solnaj karjeraj i dapamahała ŭ viadzieńni biznesu restarataru Vadzimu Prakopjevu.
Ciapier čytajuć
U pačatku 2000‑ch troje nastaŭnikaŭ historyi źbiehli va Ukrainu ad «hienacydu biełaruskaha naroda», jaki čyniŭ režym Łukašenki. Jak skłaŭsia ich los?1515
Kamientary