Hienieralny dyrektar navapołackaha naftachimičnaha kompleksu «Naftan-Palimir» Uładzimir Traćciakoŭ adpraŭleny ŭ adstaŭku. Pra heta tut.by paviedamili infarmavanyja krynicy.
«Tak, zvolnieny. Rašeńnie pryniata na samym viersie», - skazaŭ surazmoŭca. Pra pryčyny zvalnieńnia jamu nieviadoma.
Atrymać kamientar na navapołackim naftapierapracoŭčym zavodzie nie ŭdałosia.
Pa dadzienych navapołackaha «Viektar TV», pra adstaŭku Traćciakova paviedamiła kiraŭnik Administracyi prezidenta Natalla Kačanava, jakaja siońnia z rabočym vizitam pabyvała na pradpryjemstvie. Časova vykonvać abaviazki hienieralnaha dyrektara AAT «Naftan» budzie Siarhiej Ałtuchoŭ — namieśnik hienieralnaha dyrektara pa vytvorčaści.
«Na žal, ciapierašniamu kiraŭnictvu zavoda nie ŭdajecca apieratyŭna vyrašać niekatoryja pytańni, jakija tyčacca madernizacyi takoha važnaha pradpryjemstva, jak «Naftan». Tamu i pryniata takoje rašeńnie», — patłumačyła Kačanava, jakaja da pierajezdu ŭ Minsk u Saŭmin była meram Navapołacka.
Uładzimir Traćciakoŭ skončyŭ Maskoŭski instytut naftachimičnaj i hazavaj pramysłovaści imia Hubkina. Pracoŭnuju bijahrafiju pačaŭ na pasadzie apieratara na ŭstanoŭcy «Pareks» Mazyrskaha NPZ. Zatym kala dzieviaci hadoŭ zajmaŭsia kamsamolskaj pracaj. Z 1990 pa 2002 hod pracavaŭ u haspadarčaj śfiery na roznych kirujučych pasadach. A ŭsia nastupnaja jaho dziejnaść źviazana z halinoj naftapraduktazabieśpiačeńnia. Byŭ šeść hod namieśnikam hienieralnaha dyrektara pa zabieśpiačeńni vuhlevadarodnaj syravinaj i realizacyi pradukcyi VA «Biełarusnafta». «Naftan» uznačaliŭ 15 krasavika 2011 hoda.
Ciapier čytajuć
«Razmaŭlaŭ uvieś čas pa-biełarusku». Pavieł Sieviaryniec zapisaŭ svoj pieršy zvarot paśla vyzvaleńnia1
«Razmaŭlaŭ uvieś čas pa-biełarusku». Pavieł Sieviaryniec zapisaŭ svoj pieršy zvarot paśla vyzvaleńnia
«Heta ryzykoŭna dla Biełarusi». Zialenski zajaviŭ, što Rasija raźmiaščaje abstalavańnie dla naviadzieńnia šachiedaŭ na dachach biełaruskich šmatpaviarchovikaŭ2121
Kamientary