7 studzienia mužčyna padjechaŭ na aŭtamabili da kramy, u jakoj pracuje jaho dačka, kab zabrać jaje. Kiroŭca pakinuŭ adkrytaj zaviedzienuju mašynu na niekalki chvilin, a kali viarnuŭsia, aŭto nie znajšoŭ i zajaviŭ pra ŭhon u Łahojski RAUS.
Pra heta paviedamlaje UUS Minabłvykankama.
Kali supracoŭniki milicyi pryjechali na miesca zdareńnia, ich kala kramy ŭžo čakaŭ haspadar aŭto. Mužčyna paviedamiŭ, što ŭžo znajšoŭ svoj aŭtamabil, jaki akazaŭsia ź inšaha boku kramy.
Na zapisie ź videakamiery bačna, jak da kramy padychodziać troje čałaviek piensijnaha ŭzrostu, pra štości pieramaŭlajucca. Paśla adzin ź ich adčyniaje dźviery aŭto, niešta razhladaje ŭ sałonie, zatym znoŭ adychodzić. Potym dva piensijaniery sychodziać, a treci siadaje ŭ aŭtamabil i źjazdžaje.
U vyniku zaviali kryminalnuju spravu pa artykule 214 KK Biełarusi (Uhon). Adnak supracoŭniki kryminalnaha vyšuku Łahojskaha RAUS miarkujuć, što mužčyna heta zrabiŭ, kab pravučyć kiroŭcu.
«Razam z tym, hetyja dziejańni možna traktavać jak kradziež. Tym bolš, što jaho asoba pakul nie vyśvietlena, i, adpaviedna, jon nie daŭ nijakich tłumačeńniaŭ. Tamu ŭ intaresach samoha mužčyny paviedamić pra siabie ŭ milicyju dla vyśviatleńnia ŭsich abstavinaŭ taho, što adbyłosia. Nie vyklučana, što kryminalnaja sprava paśla hetaha budzie spyniena», — raspaviali va UUS.
Supracoŭniki milicyi prosiać hramadzian, jakija paznali mužčynu na videa, źviazacca z Łahojskim RAUS pa telefonach: 8 01774 5-56-08, 8 01774 5-51-59, 8 029 695-43-54.
Prykmiety mužčyny: uzrost ad 50 da 60 hadoŭ, siaredni rost, siaredni ciełaskład. Byŭ apranuty ŭ kurtku-puchavik šera-biežavaha koleru z kapielušom, viazanuju šapku z emblemaj kvadratnaj formy na advarocie, štany, ciomnyja zimovyja boty.
Ciapier čytajuć
Maŭrykij, Siejšeły, Šry-Łanka i nie tolki: pahladzieli, kudy źbiehli ad biełaruskich marazoŭ praŭładnyja artysty i viadučyja15
Kamientary